tlhIngan-Hol Archive: Fri Jun 26 07:35:22 1998
[Date Prev][Date Next][Thread Prev][Thread Next]
chuS DujwIj taQbang
- From: [email protected] (Alan Anderson)
- Subject: chuS DujwIj taQbang
- Date: Thu, 25 Jun 98 14:12:27 EST
nIj QuQ SIp tuj chuSHa'moHbogh jan. raghmo' oQ poS baS 'ej nargh SIp
chuSqu'. DaHjaj tI'nISlu' 'e' vIwuq. tI'wI' qachDaq jIHtaH. DujwIj
taQbang pat nuDpu' chamwI' 'e' vIloS.
jIloStaHvIS DalchoH ghu' vaj ghItlhvam vIqonmeH De'wI'HomwIj vIlo'lI'.
tochwIjDaq vI'uch. jan mach 'et Hot ghItlhwI' 'ej chen mu'mey. Dun
cham qar'a'?
toH, rIn tI'wI' Qu'. DujwIj vISuqnISqa'. maj, tamlaw'. jIyonmo'
jIDIlqang.
DaH loQ Duy'law'taH Degh. SaSbe' lurgh SeHwI'. tugh tlhe'moHmeH pat
lISlu' 'e' vIqaSnISmoH. chaq vo'bogh ghomey Qop vItamnIS je.
DujwIj vItobta'. wa'Hu' 'oH chuS law' DaHjaj 'oH chuS puS. jIQuch.
jIlpu'wI' Sujbe'choH DujwIj chuSHa'.
-- ghunchu'wI'