tlhIngan-Hol Archive: Thu Jul 30 20:47:03 1998
[Date Prev][Date Next][Thread Prev][Thread Next]
Re: qep'a' vIDellaw'
- From: "William H. Martin" <[email protected]>
- Subject: Re: qep'a' vIDellaw'
- Date: Thu, 30 Jul 1998 23:48:11 -0400 (Eastern Daylight Time)
- Priority: NORMAL
On Tue, 28 Jul 1998 17:53:29 -0700 (PDT) [email protected] wrote:
> cha'Hu' qep'a'vo' jIchegh, 'ej vItIvbejqu'. loQ DachwI'pu'vaD qep'a' vIDel
> 'e' vInID. loQ jIjeHmo', qep'a' Hoch wanI'mey vIDellaHchu'be' jIH. wanI'mey
> puS vIqawchu'laHbogh vIqonlaw'.
yIHem. bIDelchu'.
> qep'a' vaghDIchDaq ghotpu' vISovbogh vIlegh. latlhpu' vIqIH je. qep'a'
> loSDIchDaq nuvpu' law' law' qep'a' vaghDIchDaq nuvpu' law' puS. 'ach qep'a'
> vaghDIchDaq nIvqu' je Hoch laH. motlh latlhpu' vIyajchu'laH. roD
> jIQongchu'be' 'ej jIDoy'. vaj Do'Ha' chaHvaD tlhIngan Hol
> vIjatlhlaHchu'taHbe'.
'ach maQongbe'mo' je 'ej maDoy'qu'mo' je, QaghmeylIj DItu'be'.
maSaHbe'. (qep'a' vaghDIchDaq not qaSpa loSvatlh rep
jIQongchoH. malopchu', qar'a'?) tlhIngan Hol Dajatlh. yap.
> choHmey chupmo' *Qov 'ej qaSmoHmo' *Lawrence, Qujmey nIv DISIQ:
> {mu'lIj yIwam} - Hoch DubDaq mu'mey lanlu'. mu' tu'lu'meH ghelnISlu'.
> DubwIjDaq {pujwI'} lanlu' 'ej nom vIloy. motlh mu'mey Daj wIvta' *Lawrence.
nuv Seghmey bIH Hoch mu'meyvam'e'.
> {pegh mu'} - jeS HoD *Qanqor *Seqram je. latlhvaD mu' pegh DelnISlu'.
> jIjeS je jIH, 'ej jIQap.
bIQapchu'! Hoch Dajeyta'. tlhoS Dujey peHruS, 'ach Dojqu'taHvIS
peHruS, SoH Doj law' peHruS Doj puS. yIHem! batlh SuSuvchuqta'!
Qujvam vIDel:
cha' ghomHom moj loS jeSwI'pu'. 'ov ghomHommeyvam. Hoch
ghomHomDaq wa' qochvaD wa' mu' noblu'. latlh mu' jatlhlaH wa'
SovwI'. mu'vam loynIS qochDaj. Qaghchugh qochvam vaj nIDlaH
latlh ghomHom. ghomHomvamDaq wa' mu' jatlhlaH SovwI' 'ej loynIS
qochDaj. pe''eghmeH mIw vIDel vIneH, 'ach loQ Qatlh, 'ej loQ
jISaHbe'. Qap taD. yap.
> {qaDHom} - HochvaD navHommey nobta' *Seqram. mu'tlheghmey taQ 'ang
> navHommeyvam. mu'tlhegh qelDI' Hoch, mu'tlheghmey Del Hoch. roD lutHommey
> qon. {HoSDo' 'I'} {targh peng} je luDellu'.
Qu'vam vInIDDI' batlh vIchavbe'. Do'Ha'. Dunqu' latlhpu' lutmey.
le'qu' SuStel lut. *Iambic pentameter, rhyming crosstick* 'oH.
Dojchu'.
> qu'bogh bom chu' qonta' HoD *Qanqor. {taHjaj wo'}, bomvam chu' je
> DIbomqu'.
> qep'a' *CabaretDaq bommey DIbom je. bomHey wImuch latlhpu' jIH je. bomvam
> qonlaw'ta' *'altaQ 'ej latlhpu'vaD wImuch. {taHjaj wo'} rurqu' bomvam. tlhaQ
> bomvam - chaq jabbI'IDghomvaD bom mu' lumuchqang latlh.
lutmey Dun, bommey Dun!
> HochvaD lut'e' qonlI'bogh *Holtej much ghaH. chong lutvam. nentay Delchu'
> lut 'ay'.
vItIvqu'.
> qep'a'Daq ngoQmey wuq Hoch. DaH ngoQ chu' vIwuq jIH: mupIlqu'moHmo'
> qep'a', wa'nem Hoch mu'tay' vIghoj. ngoQvam vIchavpa' jIlumbe', 'e' vItul.
bIqaD'eghqu'bej! laHwIj vIDub vIneHbej, 'ach Qatlhqu' Qu'lIj.
> - taD
charghwI'