tlhIngan-Hol Archive: Wed Jul 08 14:05:58 1998
[Date Prev][Date Next][Thread Prev][Thread Next]
veng HopDaq HaDruplI' be'nalwI'
- From: [email protected] (Alan Anderson)
- Subject: veng HopDaq HaDruplI' be'nalwI'
- Date: Wed, 8 Jul 98 15:41:09 EST
wa'leS Cincinnati ghoSchoH be'nalwI'. pa' lalDan DuSaQ tu'lu'.
cheghpa', qaStaHvIS wa'maH jaj HaDta' 'ej ghojta'. ghojwI'Hom moj 'e'
Hech. DachtaHvIS, nIteb puqloDma' vIQorghnIS. 'oy' vISIQjaj...
qaStaHvIS pem jIvumnISmo', Do' bejmeH Sapta' juppu'. vaj pImqu'nISbe'
pem mIwwIj. 'ach Hoch po bejwI' juHDaq vIHIjnIS 'ej Hoch pov bejwI'
juHvo' vISuqnISqa'. 'ej Hoch ram QongDaqwIjDaq nIteb jIQot.
ram jImobbe'law'meH, ghaytan MUSH-Daq jIHtaH. qaSpa' qep'a' bIqeq
DaneHchugh, pa' HIghom. qetlh yInwIj 'ach motlh jIjawqang. 'ach
DaHjaj ram HIpIHQo'! ngajmo' ratlhbogh poH, be'nalwI''e' vItlhejbej
jIH. (qetlhchu'be' yInwIj 'e' vIchIDnIS...)
-- ghunchu'wI'