tlhIngan-Hol Archive: Mon Jul 06 19:36:07 1998
[Date Prev][Date Next][Thread Prev][Thread Next]
Re: QoQ Qov je
ja' Qov:
>DIvI' Hol DajatlhtaHvIS tera' tIgh DachHa' Davuv, 'ach tlhIngan Hol
>DajatlhchoHtaHvIS bIngIl. DujonnIS vIt Qoyrupbe'bogh nuv.
qorDu'wIj vIvuvnIS je. not tlhInganna' vImojbej. 'ach bIlugh;
tlhIngan Hol vIjatlhDI', jInongqangchoHlaw'.
>tlhIngan Hol jatlhlu'taHvIS neplaH vay', 'ach vIt tunmoHlaHbe'.
jaqnIS jatlhwI' net Sov.
>Holmo' qep'a' wejDIchDaq jIleng. vItIvqu'.
>juppu'mo' qep'a' loSDIchDaq jIleng. SaH juppu', 'ach nISlaw'
>wanI'mey.
bItIvbe'mo' jIQoS. bIjeghbe'mo' jIQuch. SoHvaD DISvam wanI' wIDubjaj!
>qatlh qep'a' vaghDIchDaq Ileng? jISovbe'. juppu'wI' vIghom vIneHbej.
HISlaH. potlhqu' juppu'. wa' qa' wIghajmo' maghomnISqa'ba'.
> qaD chu' vISamrup. tlhIngan Hol laHwIj vISabbe'moHlaHchugh chaq
>jIjeStaH. 'ach BG jIHtaHvIS Sabpu' laHwIj. not jIreHmo' reHmeH laH
>vIlIjpu'. taghwI'pu'vaD mu'tay' nap vIlo'mo' mu'tay' chu', mu'tay'
>le' je vIlIjpu'. BG jIHbe'DI' SabchoH je pabmeH laH.
Dacho'lu'DI' bIreHqa'laH 'e' yIqaw! gholonqa'Qo', wovwI'ma'.
>qep'a' loSmaH loSDIchDaq:
>ghunchu'wI': nuqDaq ghaH Qov'e'?
>wejmaH Hut nem BG: 'Iv ghaH Qov'e'?
>ghunchu'wI': jatlhbe'bogh be' lang Daleghbe'pu'? ravDaq ba'taH,
>boltaHvIS?
bol'a' qaragha? jIqawbe'. 'ach bIboltaHvIS yIn DatIvchugh, yIbol! :-)
>BG: tachDaq ghaH. vIleghDI' luSujbogh nuvpu' HIvlI'. vISuvbe'moHmeH
>ghaHvaD qagh vInob.
>ghunchu'wI': maj. QorghnIS vay'.
not qaS ghu'vam. bImoDbe'. Dachchugh Wade, qaQorghrupchu' jIH.
>Hmm. qagh tuje'taHchugh chaq qabqu'be' ghu'vetlh.
jIHagh. reH bID QaQ DaSamlaH.
>ghunchu'wI', qaStaHvIS loSmaH chorgh rep tlhIngan Hol neH vIjatlh,
>'ach DIvI' Hol vIjatlhqangtaHvIS qorDu'lIj mughwI' vItoy'qangbej.
lajqang be'nalwI'. wej quq cha' HolwIj 'e' parmo' ghaH, jIvumnIS je.
>mughmeH latlhwIj vIDub vIneH. jatlhtaHvIS wa' jImughtaH vIneH, quq
>mu'meywIj, Hal mu'mey je vIneH. ngoQwIj 'oH.
maj. ngoQna' DawIvmo' bIval, 'ej QaQ ngoQvam.
>jach 'IwwIj 'e' vIlay'be' 'ach jajbej ghoghwIj.
ngoDvam vItemlaHbe'. :-)
>Sut chu' vIchenmoHlI' je. vIta'ta'chugh vItuQ. yabwIjDaq qu' 'oH.
vIlegh 'e' vIloS.
(Sut le' vItuQ 'e' vInabbe' jIH. ghaytan tlhIngan Quch vItuQbe' je.)
>SutmeyvaD qechmey qu' vI'oghlaH 'ach *sew*meH laHwIj vIDubnISmo',
>Sutna' mojtaHvIS qech jImoSnIS.
DaSovnIS SoH neH. Dunbej SutlIj 'e' vIpIH.
-- ghunchu'wI'