tlhIngan-Hol Archive: Wed Jul 01 12:23:43 1998
[Date Prev][Date Next][Thread Prev][Thread Next]
Re: qepHom vIDevpu'
- From: [email protected] (Alan Anderson)
- Subject: Re: qepHom vIDevpu'
- Date: Wed, 1 Jul 98 13:58:18 EST
ja' pagh:
>loSHu' qepHom vIDev. Qaplaw'mo' jIbel.
majQa'! Qapbejpu' Qu'lIj. rurjaj qepHomwIj veb.
>...HolQeD HaDtaH *Teresa Wells*. ghaytan naDev ghaH qawlu'.
vIqaw jIH.
>tlhIngan Hol QIch vIDel. pa'Daq chISbogh nagh beQ tu'lu' 'e' vIpIH, 'ej
>vItu'be'mo' loQ jImogh. jIghItlh 'e' vIHechpu', 'ach jIghItlhlaHbe'.
QIch DelmeH, nuq DaghItlhnIS? vay' Dajatlhqu'nIS neH qar'a'?
>...romuluS HIqHey qaghHey je ghaq *Teresa*.
jeSwI'pu' vISuqmeH jIH chaq to'vam vIlo'nIS. tlhIngan Hol vIbuSchu'
'ach vuQlaw' tlhIngan Soj'e'.
>...<QuvlIjDaq yIH tu'be'lu'jaj> je vImuch. Hoch HaghmoH mu' <yIH>.
tlhaQbe' yIH net ghojnIS jay'...
>qaSpu'DI' qep'a' latlh qepHom vIDev 'e' vIpIH. jeS luneH cha' HolQeD
>HaDwI'pu', 'ach Dach. cheghqang 'op jeSwI'pu' 'e' vItul.
qaja'qa' majQa'!
peqIm latlhpu': quv'eghmoH pagh 'ej lIquvmoH. noymoH Holmaj Dun.
ta'qang'a' latlh? ghaqqang 'Iv? tlhIngan maH! maqqang 'Iv?
(jISaghbe'taH -- reH jIja' <tlhIngan jIHbe' -- Holchaj vIjatlh neH>.)
chay' qepHommey vIqaSmoHlaHtaH? chay' cherlaHwI' vIcherqangmoH?
nIteb SapIlmoHlaHbe'ba'. qechraj vIpoQ je. peQub! pechup!
jIHvo' nuq boneH?
SKI: Good job, pagh. How can I help the rest of you do the same?
-- ghunchu'wI'