tlhIngan-Hol Archive: Wed Jul 01 07:47:22 1998
[Date Prev][Date Next][Thread Prev][Thread Next]
Hoghmey vItoghchoH - jISey 'ej jIbIt
- From: [email protected] (Alan Anderson)
- Subject: Hoghmey vItoghchoH - jISey 'ej jIbIt
- Date: Wed, 1 Jul 98 09:25:20 EST
tagh tera' jar Soch. cha'maH wa' leS qaSchoH qep'a' vaghDIch.
jISeybej. qaStaHvIS vagh jaj maja'chuqmeH tlhIngan Hol wIlo'lI'!
mutlhejmo' qorDu'wIj tlhIngan Hol neH vIlo' net chaw'be'. Do'Ha'.
be'nalwI'vaD puqloDwI'vaD je jImughnIS. 'ach Dachchugh chaH, rut
DIvI' Hol vIyajbe'qanglaw'. :-)
loQ jIbIt je. law' jatlhchu'wI'. quvwIj vIpolmeH jIqeqnISba'.
'ach jIbuDpu'. pIj HeH veng vISuchbe'pu'. ghItlh tIq vIqonbe'pu'.
jIQummeH ghogh vIlo'be'pu'. jIvumtaHvIS jIqeqlaHbe'. tay'taHvIS
qorDu'wIj ghot jIqeqlaHbe'. jIQongtaHvIS jIqeqlaHbe'. qep'a'Daq
jIlengtaHvIS jIqeqlaHbe'. qub jIqeqmeH 'eb. raghpu''a' laHwIj?
-- ghunchu'wI'