tlhIngan-Hol Archive: Tue Jan 13 16:23:09 1998
[Date Prev][Date Next][Thread Prev][Thread Next]
RE: DaHjaj jIropbej
- From: "Andeen, Eric" <[email protected]>
- Subject: RE: DaHjaj jIropbej
- Date: Tue, 13 Jan 1998 17:32:58 -0700
Do'Ha'. tugh yIpIvqa'.
DaHjaj jIpIvqa'lI'. loSHu' jIropmo' yaHwIjDaq jIDach. juHwIjDaq
jIQongtaH. jIropchoHDI', jIpujchoH, 'ej jIHoSqa'chu'pu'be'. wa'Hu'
yaHwIjDaq jIDoy'qu'choH 'ej rut jIba'nIS. ghu'vam vIcherghlaHbe'.
Do'Ha' jIroptaHvIS, juHwIjDaq bIr muD. chorghHu', QapHa'choH juHwIj
tujwI'moH. taD puvbogh SajwIj vIneHbe'bej, vaj tujmoHwI'Hom vIje' 'ej
Saj mo' retlhDaq vIlan 'ej vIchu'. loQ tujchoH pa'vetlh, 'ach bIrtaH
juH. javHu' tujwI'moH tI' tI'wI', 'ach vaghHu' QapHa'qa'. baQa'. DaHjaj
po chegh tI'wI' 'ej tI'qa'. Qapqa'law' tujmoHwI', 'ej QaptaH 'e' vItul.
ghaytan DaHjaj juHwIjDaq jIcheghDI' pup muD Hat.
'oy' vISIQta', 'ach jIvIng jIH je.
pagh
-----Original Message-----
From: [email protected] [SMTP:[email protected]]
Sent: Monday, January 12, 1998 12:10 PM
To: Multiple recipients of list
Subject: DaHjaj jIropbej
cha'Hu' ropchoHlaw' puqloDwI'. jotqu'taH. ghaHvaD motlhbe'
ghu'vetlh. wa'Hu' tujlaw'mo' DIrDaj 'I'Daj Hat wIjuv. wa'vatlh
wa'
"degrees F" wIlaD. ghaHvaD motlh HutmaH Soch "degrees F" vaj
rop 'e'
wISovbej. DaHjaj po tujtaHmo' DuSaQDaq jaH 'e' wIchaw'be'. Do'
ghaH.
DaHjaj po loQ jIroplaw' je jIH. jIwuQ. jIDoy'. jItlhuHmeH
vumnIS
taghDu'wIj. Do'Ha' yaHDaq jISaHnIS. "Brasil" SuchlI' Qu'qoch
'ej
muwuv. QumwI' wIlo'taHvIS vIQaHnIS. De'wI' patmey cherlI' ghaH
'ej
ngaq vInobnIS.
pa'vamDaq jIbIr 'ach Qorwagh vISoQmoHlaHbe'. naDev pagh Qorwagh
tu'lu'. qaSDI' wa' rep, ghaH vIQoyqa'be'chugh, jImej 'ej
jIQongmeH
juHDaq jIchergh.
'ej DaH 'oy'choH teSDu'wIj...
batlh 'oy'vam vISIQ vIneHbe'. jIvIng vIneH. jI'epnIS.
pItlh. jImej.
-- ghunchu'wI'