tlhIngan-Hol Archive: Thu Dec 10 13:42:47 1998
[Date Prev][Date Next][Thread Prev][Thread Next]
RE: QorwaghwIj HurDaq
- From: "Artist, Herbert" <[email protected]>
- Subject: RE: QorwaghwIj HurDaq
- Date: Thu, 10 Dec 1998 16:44:43 -0500
qatlh qetlu'?
> -----Original Message-----
> From: William H. Martin [SMTP:[email protected]]
> Sent: Thursday, December 10, 1998 04:38 PM
> To: Multiple recipients of list
> Subject: QorwaghwIj HurDaq
>
> QorwaghwIj HurDaq bIQ qengmeH SIHlaHbogh 'ochHom lo' nuv.
> Dochvam vIDelmeH mu' <<bIQtlhegh>> vIlo'. mu'qoq le' 'oH. roD
> mu'qoqvam yIlo'Qo'. lutvamvaD neH vIlo'qang.
>
> SuD bIQtlheghvam. tIq. loSmaH vagh 'uj 'ablaw'. yavDaq lan nuv.
> wa'logh SIH, vaj Don cha' 'ay' 'ej 'ay'meyvam jojDaq chen bID
> gho. bIQtlhegh bej nuvvam. nIjbogh Daq Samlaw'. pagh Samlaw'ta'.
>
> 'ach wa' bIQtlheghHey 'oHlaw' neH. rarwI' Sam nuvvam. cha'
> bIQtlheghna' rarHa' nuvvam. cha' vI' vagh 'uj juchbogh gho
> chenmoHmeH nuvvam bIQtlheghvam lo'. SIH 'ej SIHqa'. ghovamDaq
> Qot Hoch bIQtlheghvam. woH 'ej lo' law' DujvaD qeng. [Heh, heh.]
> 'o' choQDaq lan. Dujvam 'el 'ej tlheD Dujvam, nuv, bIQtlhegh je.
>
> mI'meH neH qet latlh. ghoch ghajbe'law'. QIt qet. Dojbe'.
> jIqetDI' nom jIqet. nom qetbe'lu'chugh, qatlh qetlu'?
>
> wa'maH Sochvatlh rep vIloS. QIt toghtaH tlhaqwIj. juHDaq Qu'mey
> law' vIghaj. naDev, tlhaq vIbej neH. jIqet 'e' vImaS.
>
> motlhbe' ghu'vam. DaHjaj jIqImlaHbe'. meq vISovbe'. rut qaS neH.
> jIloStaH. paw latlh Qu' 'e' vIpIH, 'ach vIloSnIS. jIlaD 'e'
> vInID, 'ach lengtaH yabwIj. qay'be'. jISIQlaHba'.
>
> charghwI' 'utlh