tlhIngan-Hol Archive: Fri Dec 04 12:33:54 1998
[Date Prev][Date Next][Thread Prev][Thread Next]
Mars nuv chaH loD; Venus nuv chaH be'
- From: Alan Anderson <[email protected]>
- Subject: Mars nuv chaH loD; Venus nuv chaH be'
- Date: Fri, 4 Dec 98 15:12:13 EST
charghwI', yImoghQo'. ghu' DalajnIS. Dayajqu'nISbe'; DalajnIS neH.
bepchugh vay', choH neHba', qar'a'?
qarbe'. Dochvam yISov: pIj choH neHbe' bepbogh be'.
motlh qay'Ha'moHlu' luneHbe'law' be'.
'Ijlu' neH luneHlaw' beptaHvIS. Huj 'ach teHlaw'.
SengHey nge'lu' luneHbe'law.
motlh SIbI' Hoch lutI'ruplaw' loD.
loD vangmoH beptaHghach.
'ach Qatlh qo'na' wIDabbogh.
rapbe' loD ngoQ, be' ngoQ je.
QuchmeH be', lajna' neHlaw'.
QuchmeH loD, lI'qu' neHlaw'.
HochvaD lugh'a' qechvam? ghobe'! 'ach motlh lugh.
charghwI' moghmoHbogh ghu'vaD ghaytan lugh.
-- ghunchu'wI'