tlhIngan-Hol Archive: Mon Aug 24 21:03:50 1998
[Date Prev][Date Next][Thread Prev][Thread Next]
DIS cha' SanID
mujang charghwI':
>> jIHvaD DIS cha' SanID yIqawmoHQo'...
>yIleS. wIch neH 'oH.
baQa', charghwI' -- bIlughbe'! DIS cha' SanIDmo' qaSbej Seng.
motlh mach SengHom, 'ach law'bej SengHommey jay'!
laSvargh pat tobmeH "Chrysler" QulwI'pu', tlhaqmey lIS.
DIS wa' Hut Hut Hut, jar wa'maH cha', jaj wejmaH wa',
cha'maH wej vatlh wejmaH rep DamoH. loS.
choHDI' DIS, ngaQchoH Hoch lojmItmey 'ej ngaQHa'Qo'.
qaS 'e' pIH pagh. poSmoHmeH, tlhaqmey lughnISmoH.
choHDI' vatlh DIS poH lujbogh luch vIloH jIH.
pIch ghajbe' luch ghunwI' -- Duy' mIqta'.
pat law' lutI'nISlu'bogh vIlo' jIH.
ghaytan lutI'lu'ta'be' lujpa'; yapbe' jo.
vaj Seng wIjunmeH, mIw Huj wI'oghta'.
pupbe' mIwvam; QapHa'laH, 'ach 'ut.
chaq Huch SaHbe' pat Daqelbogh. chaq tI'meH poH luSaHbe'.
chaq DIS luSaHbe'. chaq poHbe' patmeylIj.
Dochmeyvam qel pat law' -- 'ej QapHa'bej pat law'.
DIS cha' SanID lotHey vISIQtaHqu' jIH, charghwI'.
Seng Datu'be'mo' SoH neH, Sovna'wIj'e' yItIchQo'.
-- ghunchu'wI'