tlhIngan-Hol Archive: Tue Aug 18 11:51:29 1998
[Date Prev][Date Next][Thread Prev][Thread Next]
bo'DIj che'ron
- From: SuSvaj <[email protected]>
- Subject: bo'DIj che'ron
- Date: Tue, 18 Aug 1998 13:57:07 -0500
qaStaHvIS *March-1998* Soj Suy qach *parking lot*Daq vItu'lu'. *parking
space* vInejtaHvIS, DujwIj 'o' qIpDI' latlh Duj. qaSDI' wanI'vam chot
vIpabtaHbej, He'na'Daq vItu'lu','ach yepHa'qu' latlh DeghwI'. DujwIj
qIpDI' latlh Duj, taH 'oH. pIch ghajbej Dujvetlh DeghwI'. Do' wanI'vam
legh Hung 'avwI', 'ej Dujmeymaj wIchevmeH nuQaH ghaH. latlh DeghwI'
"Insurance" malja'vaD jIbepDI', jIHvaD "QIHlIj wIDIllaHbe'." 'e' jatlh.
"qatlh" vIghel. "pIch Daghaj 'e' jatlh DeghwI'." 'e' jatlh. vIjangDI'
"Hu'tegh! teHbe'bej De'vetlh. pIch ghajbejqu' latlh DeghwI'. neptaH
ghaH." 'e' vIjatlh. "maQoS, 'ach QIHlIj wIDelQo'." 'e' jang
veranganpu'vam. "wanI'vam leghpu' Soj Suy qach, 'ej vIt Sovbej ghaH jay'"
'e' vIjatlh. 'ach De'vam SaHbe'law' malja'vam. toH DaH bo'DIjDaq
malja'vamvaD vIQojnIS. chorgh leS bo'DIj pa'Daq maghom, 'ej maHarghchu'.
veQ chaH Hoch *Insurance* malja'mey.
SuSvaj
>>>>-----------------------------------------------------------------------
>>>> /\
>>>> | |
>>>> .-| |-. SuSvaj Qang
>>>> / / \ \
>>>> |_,\ / | Lansing tlhIngan yej'anHom
>>>> /' \\ //\_|_ "nuH jup je 'oH Hol'e'"
>>>> | ___\\// /
>>>> |/ \ `---' http://www.geocities.com/Area51/Shire/3505/
>>>> `-.__.-'
>>>>
>>
>>
>>
>>
>>
>
>