tlhIngan-Hol Archive: Wed Aug 12 06:17:13 1998
[Date Prev][Date Next][Thread Prev][Thread Next]
Re: Duj vIchIj
- From: "William H. Martin" <[email protected]>
- Subject: Re: Duj vIchIj
- Date: Wed, 12 Aug 1998 09:18:21 -0400 (Eastern Daylight Time)
- Priority: NORMAL
On Mon, 3 Aug 1998 17:30:19 -0700 (PDT) [email protected] wrote:
> Duj vIchIjmeH jIghojchoHlI'.
bIDo'jaj. Qobqu' Dujmey. vaghbIp cheb ngI' Duj motlh.
chebmeyvam ngI' baS, *glass*, jorqu'laHbogh nIn je. porghlIj tun
law' Dochmeyvam tun puS.
loSmaH wejben jIboghpu'. Hut DISmey vIghajpu'DI' (wejmaH loSben)
Duj chIjmeH ghojchoHlI' be'nI'wI'. Qagh be'nI'wI' 'ej paw'chu'
Dujmaj latlh je. ngeQDI' Hoch Duj, loSmaH vagh *mph* jaH
Dujvam (HutmaH *mph* Do wIchavlaw' mapaw'DI'). ropyaH'a' ghoSnIS
jav nuv. nIteb jIratlh.
Degh ngeQ be'nI'wI' ro 'ej taghDaj DuQ joQDaj. QaptaH wa'
DaghDaj neH. qabDaj pe' puvbogh *glass*. *windshield* ngeQmo'
SoSwI' qab, puv *glass*. HochHom qevpobDaj teq ghorpu'bogh
*windshield*. 'o' quSDaq jIQotmo' jI'oy'qu'be' jIH neH.
Do'Ha'qu' ghu'.
bIchIj 'e' DaghojDI' yIyepchu'!
> jIghojmeH chaw' vIghaj. 'ach nIteb jIchIj net
> chaw'taHmeH, jIghojqu'nISba'. cha'logh jIHvaD paQDI'norghHey nobta'
> ghojmoHwI'. Duj *insurance* luwaghqu'be'moH qeqmeyvam. laHwIj vIDubbej je.
> DontaHvIS DujwIj latlhmey je jIverghmeH, cha'leS jIqeq. Duj
> vIchungmoHchu'be'taHmo', jIbuSqu'nIS.
>
> -taD
DeghwI' nIv yImoj!
charghwI'