tlhIngan-Hol Archive: Mon Sep 22 11:09:15 1997
[Date Prev][Date Next][Thread Prev][Thread Next]
Re: RE: RE: wejmaH
- From: "William H. Martin" <[email protected]>
- Subject: Re: RE: RE: wejmaH
- Date: Mon, 22 Sep 1997 14:09:44 -0400 ()
- Priority: NORMAL
On Sat, 20 Sep 1997 02:58:13 -0700 (PDT) "Andeen, Eric"
<[email protected]> wrote:
> ghItlh charghwI':
> > wa'leS, loSmaH wejben boghpu' bangwI' chu'. wa'vatlh wa' jajmo'
> > ghaH qan law' jIH qan puS. 'IHqu' mInDu'Daj. 'IHqu' jIbDaj.
> > 'IHqu'. Doj 'ej Daj. vIneHqu' 'ach jIboHnIS. le'. vItu'mo'
> > jIQuchqu'.
>
> yIboHQo', jupna'wI' (chaq <'ach jIboHHa'nIS> DaghItlh 'e' DaHech).
bIqarchu'. HIvqa' veqlargh!
> bang
> chu' Datu'mo', jIQuch je. bIQuchmo' bom 'IwlIj 'e' vIQoylaH. HoSghajba'
> je banglI' mInDu': DuleghDI', Dajbogh nuv le' ghov.
choquvmoH.
> reH Seng be'pu' net Sov (reH Seng je loDpu'), 'ach pIj Dun Sengvetlh. DaH
> Sengvetlh DatIvlaH 'ej DaSIQlaH.
jIQochbe'. 'ej bangvam vItIv 'ach chu'mo' loQ jIngaDHa'.
wa'maHHu' maqIH. maja'chuqqu'. wa'logh Hotchuq wuSDu'maj.
chorghHu' mamej. chaq loSleS maghomqa'. loQ reghmorgh vIDa.
'ej jabbI'IDghomvam tu'law'ta' bangvam. reghmorgh vIDaqa'. wej
yajlaH 'e' vIpIH, 'ach chaq mumer. chaq jIjatlhDI' jIyepnISchoH.
> pagh
>
> charghwI': bIlab 'e' yImevQo'. yInlIj Quch DaDeltaH wIneH.
wa'Hu' Saw jupwI'. cha'Hu' malopchoH. lop cha'vatlh vaghmaH nuv.
matlhuthqu' 'ej maHaghqu'. 'ach mI'choHDI' Hoch, nIteb jIQam.
jI'IQchoH 'ej jImej. nom mej DujHomwIj 'ej chuSqu' bommeywIj.
nIteb SuvnIS DevwI' net Sov 'ach muDechDI' mI'taHbogh qochpu'
Quch, jach 'IwwIj 'ej nIteb jISuv'eghnIS.
charghwI'