tlhIngan-Hol Archive: Wed Oct 29 11:47:00 1997

Back to archive top level

To this year's listing



[Date Prev][Date Next][Thread Prev][Thread Next]

QapHa'law' nIn juvwI'



juHwIj tujmoH jan le'.  bIQ tujmoH.
juH tujmoHmeH, tuj tlhuDwI'Daq vIH bIQ tuj.
tlhutlhmeH 'ej Say'moHmeH bIQ tujmoH je.
'ul lo'be' janvam.  ('ul puSqu' lo', 'ach ram.)
meQbogh SIp 'oH nInDaj'e'.
juHwIjDaq SIp lo' janvam neH.

juH HurDaq juvwI' tu'lu'.
nIn lo'lu' 'e' qon.
nIn vIDIlnIS.
nIn puS lo'lu'chugh, Huch puS vInobnIS.
nIn law' lo'lu'chugh, Huch law' vInobnIS.
Hoch jar juvwI' laD vay'.

wejmaH Hu' vImerlu'.  
pagh nIn lo'law'pu' juHwIj jay'!
jIqImHa' -- chaq javmaH Hu' noHHa'pu' nIn ngevwI'.
chaq nIn noHlu'bogh law' law' nIn lo'lu'bogh law' puS.
jIbepbe'.  Huch puSqu' vInobnISmo' ghu' vInISqangbe'. :-)

DaHjaj vImerqa'lu'.
pagh nIn lo'law'taH juHwIj.
va, nIn juvwI' ghorlu'ba'pu'.
(nIn qengwI' ghorbe'lu'law' -- He'So' SIp, 'ach vIlarghbe'.)

wa'logh jIqImHa'laH.
cha'logh jIqImHa'chugh, Seng tu'DI' chamwI', ghaytan vIqunlu'.
jIyuDbe'.
vaj nIn ngevwI' vISovmoH.

ghaytan wa'leS juvwI' tI'ta' chamwI'.
chaq latlh Huch vInobnIS noH ngevwI'.

-- ghunchu'wI'



Back to archive top level