tlhIngan-Hol Archive: Mon Oct 27 07:16:29 1997

Back to archive top level

To this year's listing



[Date Prev][Date Next][Thread Prev][Thread Next]

How do I measure up?



charghwI'vo':

vagh vI' cha' Soch 'uj vI'ab. wejmaH cha' cheb vIngI'. 

loSvatlh loSmaH cheb ngI' DujwIj. Dujvam vISuqpa' latlh vIghaj. 
wejvatlh javmaH cheb neH ngI' Dujvetlh 'ach nIn'e' lo'nISbogh 
Duj ngo' law' law' nIn'e' lo'nISbogh Duj chu' law' puS. nIn 
lo'Ha'law' Duj ngo'. wa'maH qelI'qam vIlengmeH wa' tlho'ren nIn 
poQ DujwIj chu'. motlh nom jIghoS je. Doj Dujvam.

wa'maH loS 'uj juch juHHomwIj 'ej cha'maH wa' 'uj 'aD. mach 'ach 
'IHqu'. wa'maH Qorwagh wa' lojmIt je ghaj. jen loS Qorwagh mach 
'ej motlh vagh latlhmey. tIn ratlhbogh wa'. ma'abmeH jIH 
Qorwaghvam je marap. 'aDmeH Qorwagh 'ej juchmeH rap'egh.

mu'meyvam chu' vItIvba'taH.

pItlh.




Back to archive top level