tlhIngan-Hol Archive: Sat Oct 11 12:57:52 1997
[Date Prev][Date Next][Thread Prev][Thread Next]
HatlhDaq ghIQ DuSaQDaq
- From: Marian Schwartz <[email protected]>
- Subject: HatlhDaq ghIQ DuSaQDaq
- Date: Sat, 11 Oct 1997 15:54:13 -0400
qaStaHvIS Hoghvam DebDaq ghIQtaH DuSaQwIj. qaSpa' qaStaHvIS cha'
Hogh nab wIqeltaH. reH QonoS vIqontaH. pIqaD lo'.
Seminole CanyonDaq maH. lupwI'Daq leng HochHom ghojwI'pu', 'ach
ghojmoHwI' DujDaq jIleng jIH'e'. Danghetlh 'oH tlhIngan pongDaj'e' (vIpong
jIH'e'). Don Goertz 'oH tera'ngan pongDaj'e'. pa' leng juppu'wI' Justin
Sam James je. jaj wa'DIch lupwI'Daq jomaj DIlan. rInDI' malengchoH. QIt
leng lupwI' 'ej tInqu'mo' nIn law' lo'. tIq leng; qIb rur. qaStaHvIS jav
rep maleng. mapawDI' lupwI'vo' jomaj wIlel. tugh *tent*maj DIchenmoH.
loS ghom tu'lu': Doqbogh ghom 'ej wov, Doqbogh ghom 'ej Hurgh, bIQ
rurbogh ghom'e' 'ej SuD, SuDbogh ghom 'ej wov je. Doqbogh ghom 'ej
HurghDaq jIH. jajvetlh 'uQ vut ghomwIj; *burger* ngeb bIH. 'up.
jaj cha'DIch qaStaHvIS pov pe'vIl mayIt. jav *mile* 'oH leng'e'.
*Panther* DISDaq 'oH ghochmaj'e'. bIQtIq latlh Dopvo' DochHey DIqon.
*binoculars* DIlo'nIS. waw'Daq macheghDI' lut wIqon Hoch.
jaj wejDIch qaStaHvIS po, latlh DochHey DIlegh. Dal.
jaj loSDIch He wIchenmoH 'e' wIHech, 'a latlh ghojmoHwI'ma'
(tamlogh 'oH tlhIngan pongDaj'e' 'ej Tom Logan 'oH tera'ngan pongDaj'e')
ja'lu' Qatlhqu', nI'qu', 'ej moghmoHqu'. vaj 'e' wIHech 'e' wIlon. po,
maqon neH. pov, LangtryDaq maleng. Dal. vengqoqvetlh Dab wa'maH chorgh
neH. 'a HIvje' bID vIje'. Daj. 'oHDaq ghItlhlu' "bIjatlh qa'vIn HIvje'
neH DaneH."
jaj vaghDIch tayqeqDaq machegh. tIqqu' je lengvam. megh wISopmeH
Dairy QueenDaq mayev. reH pa' meyev. HochvaD vagh *dollar* noblu'.
maqaDchuqmo' maghoD'egh Justin jIH je. 'ey.
vaj tugh machegh. TexasDaq Hoghvam naQ SIStaH, 'ach waw'majDaq rut
SIS neH. AustinDaq malengtaHvIS 'ej macheghDI', SIStaHqu'. naDev SIStaH.
Qapla'
qoror