tlhIngan-Hol Archive: Fri Nov 21 04:22:53 1997

Back to archive top level

To this year's listing



[Date Prev][Date Next][Thread Prev][Thread Next]

Re: pem 'IH vItIvtaH je



bIQuchmo' jIQuch je, jupwI'.

On Mon, 17 Nov 1997 13:19:25 -0800 (PST) Alan Anderson 
<[email protected]> wrote:

> DaHjaj 'ey muD Dotlh.
> bIr muD 'ej wov chal SuD.
> jItlhuHDI' muDuQ muD qu'.
> jISey!

maj.
 
> matay'taHvIS megh wISop jIH be'nalwI' je.
> maja'chuqlaHmo' mabel.
> maleghchuqlaHmo' maQuch.
> maHotchuqlaHmo' mamon.
> (bISIv 'e' yImev!  Hotchuq ghopDu'maj neH!)

SuDo'qu'. bangwI' vIghommeH qaStaHvIS cha' rep vIlengnIS. ghogh 
HablI' wIlo'laH 'ach wagh 'ej ghopDaj vIHotlaHbe'. qabDaj 
vIHotlaHbe'. mInDu'Daj vIleghlaHbe'. tlhIH Do' law' jIH Do' puS.

'ej bIrchoHchugh muD Dotlh chaq peD 'ej peDchugh vISuchmeH ghur 
poH vIpoQbogh.
 
> bIrbej muD.
> SeSHom lutlhuDlaw' nujmaj.
> ghaHDaq 'engHommeyHey vIvo'.
> muD bIrqu' vItIvba' jIH, 'ach par be'nalwI'.
> tujmoH pem Hov.  Do' ghaH.
> tujmoH je ghopwIj. :-)  maDo' maH.

qarba'.
 
> QaQ yInwIj.  jIbepHa'nIS!

maj.

Hoghvam bangwI' vIleghbe'. tugh ghaH Haqlu'mo' Hoch tup tIv 'e' 
nID. Haghvam lopmeH lutlhej be'pu' neH. tugh nIm Daq teq HaqwI'. 
nIm Daq ghajbe' loDpu' vaj nIm Daq SuqHa'DI be', yajlaHchu'be' 
loDpu'. loD jIH vaj vItlhej 'e' chaw'be'. javleS vISuchlaH. 
jItuvnIS.

SochleS SoSDaj vavDaj je vIqIH. SoSDaj vavDaj je vIqIH loQ 
neHbe' bangwI' 'e' vIHar. loQ mIS. muqelDI' loQ mISlaw'. 
muparHa'qu' 'ach not bang mupong. qaStaHvIS poH nI' matlhej 'e' 
vIHon. vImerqanglu', 'ach SanHeywIj vIleghlaHchu'. le'qu' 
be'vam. tIqwIjvaD bangwI' ghaHbej 'ach tIqDajvaD bangDaj jIHbe' 
'e' vIyajchu'. muparHa'qu' 'ach muparHa'laHchu' 'ej tIqDajDaq 
mulajlaHQo'.

rut Qatlh HewIj. Qu'vam vIlaj. jIbepbe'nIS. jaghpu'wIj 
vIHoHpu'be'ba'. Qu''a' vIghaj. 'oy' vISIQqang. ghorqa'pa' tIqwIj 
ghurtaH tIqwIj. ghaytan ghorchugh pagh ghorbe'chugh ghurtaH. 
qa'wI' vIje'taH.
 
> -- ghunchu'wI'
> 

charghwI'




Back to archive top level