tlhIngan-Hol Archive: Thu Nov 20 07:53:29 1997
[Date Prev][Date Next][Thread Prev][Thread Next]
bIQ qoD Duj
- From: "Anthony.Appleyard" <[email protected]>
- Subject: bIQ qoD Duj
- Date: Thu, 20 Nov 1997 15:50:10 GMT
- Organization: Materials Science Centre
- Priority: normal
[lut : Dochmey Hoch luDIlnISlu', 'ej 'avqang ghajwI'pu']
bIQ'a' retlh jIDab. bIQDepmey wam yoS nganpu' HochHom. bel lunejmeH pIj
naDev paw veng nganpu'. puSchoHlaw'taHmo' bIQDepmey, jatlhtaH qum: "qaStaHvIS
jajmey 'op, pewamQo'", pagh yoS nganpu' 'opvaD jatlh qum "not pewam". 'ach
SopmeH qorDu'meymaj mabajnIS. 'ach bIQDepmeymaj law' nge' bel nejwI'pu' 'e'
botbe' qum. bel nejwI'pu' belmey DItoy'nISchugh bIQDep wamwI'pu', mabelHa'qu'.
bIQDep wamwI'pu' tlhab maHtaH 'e' wIHech. bIQDepmeymaj nIHlu'chugh, maHub maH.
jIHvaD jatlh qum "not pewam". bIQDujHomwIj vIlo'laHbe'. jIbajlaHmeH vInej.
wa' nem bIQ'a' ravvo' Dochmey lelbogh bIQqoDDuj'e' wISuq. 'ej Dochmeyvetlh
ngoS, 'ej bIHvo' baSmey Hoch HoS Hoch je chev: Duj qoDDaq 'oH jan'e' chu', nIn
rIHwI''a' [= big fuel cell] rur jan. EMRAD-vaD jan pong chenmoHwI'pu'.
bIQ'a' HeHDaq vengDajvo' paw loD, puHDuj tIn lo'. jIHvaD jatlh: "verghvamDaq
paw bIQDujDaj potlh 'e' Hech malja'ghomwIj. 'oH qoDDaq malja'meyvaD potlh
wIja'chuq 'e' wIHech. SuSovmeH, verghla'lI'vaD maghItlhpu', 'ach vergh bIQ waQ
raghbogh bIQqoDDujHomqoq lam. numim veQDuj 'e' vIHechbe'. DaH yInge'ta'.".
verghvo' bIQ'a'Daq vIchIj: reH potlhwI'pu' vIlobneS: bIQDepmey'e' law'
DIjonbogh Sop chaH 'e' vIbuSHa'.
mech neHwI'mey belmoHmeH, HIq law' Soj law' je jab loD, 'ej bIQ qoDDaq
tlhuHwI'mey lo' chaH. jIlpu'wI' bIQ'a' SepDaq yubbIQDepmey law' nge' chaH.
DIbchaj 'oH: chaH potlh law' bIQDep wamwI' neH jIHbogh potlh puS. qaStaHvIS
'oH, bIQ'a'Daq jIvumtaH.
wov bIQ'a' 'ej Say'. lutoqmoH Seghmey law' bIQDepmey nguvqu'. Hop puH
nganpu' DarSeqmey malja'mey Sengmey. bIQ'a' qoDDaq HopwI' legh DujwIj <sonar>
HotlhwI' 'a SumwI' neH legh ghot mIn. bIQ rav wovmoH pemHov'e' ghorbogh bIQ
yu'eghmey. bIQqoDDujwIj vIruQtaHvIS chaH vISam. mulegh loD: "pa' bIQ'a' HeH
nganvetlh veQDujHomqoqvetlh'e' boleghqa' 'e' vItlhIj: mech neHwI'mey
wIbelmoHtaHvIS, rurwI'mey wIlegh wIneHbe': vergh la'vaD jIbep 'e' jIHech.".
veQDuj 'oHqu' DujwIj'e': ngIvghach SepwIjDaq veQ Hoch'a'na''e' ngaSchoHbogh
bIQ'a' roD woH 'ej ngaSwI''a'Daq 'uch 'ej Qaw'. malja' loDvetlh yIncheSvel
tebwI' SIp ngaSwI'Hom qaw DujwIj EMRAD ghorqu'wI': loQ neH jor, QIHbe'.