tlhIngan-Hol Archive: Wed Nov 12 18:35:22 1997
[Date Prev][Date Next][Thread Prev][Thread Next]
majop ghItlh wejDIch
- From: "Deborah Kay" <[email protected]>
- Subject: majop ghItlh wejDIch
- Date: Wed, 12 Nov 1997 21:36:22 -0500
I have a new e-mail server and I have not been able to find out what the
problem is with sending a message to the list. Please tell me if this
second attempt is also garbled.
buDtaHvIS, je'meH mem laD Suy. 'o' pa'Daq tep chu' qeng boQwI'Daj. Hoch
jaj woj choHwI' luleghmeH, tera'vo' SuchwI' law' qengmo' lupwI'mey, woj
choHwI' retlhDaq ngevmeH qachDaj chenta' ghaH. qaStaHvIS DISmey, valmo'
chep malja'. qach 'ay'Daq leng qawmeH 'aHHommey ngev. raSmeyDaq woj
choHwI' rurbogh HewHommey'e' 'agh 'ej Hoch ju' tera'ngan SuchwI'pu'.
reH 'ojtaH 'ej ghungtaH tera'nganpu'. chaHvaD Soj jab Suy. reH pubtaH
qa'vIn 'un. 'ach qa'vIn wIbqu' par tera'nganpu' 'ej 'ughbogh HaQchor
ngaSwI' law'e' luje'lu'pu'. DaHjaj ter'vo' paw nav ngaSwI'meyDaq 'oHbogh
HaQchor. Duy' wa' ngaSwI' 'ej 'oH qentaHvIS boQwI', ravDaq HaQchor tlhegh
QaD pumtaH. ghIHqu' boQwI' 'ej rav Say'moHbe'.
romuluS HIq lumaS Humanpu' Dorbogh tlhInganpu''e'. woj choHwI' luSuchtaHvIS
SuchwI'pu', romuluS HIq tebbogh HIvje' law''e' tlhutlh tlhIngan DorwI'pu'.
DarSeq law' bajqu' Suy. 'ach tera'nganpu'vaD 'oH jabbe' Suy. romuluS HIq
lutlhutlhDI' Humanpu', ralchoH 'ej raSmey quSmey je ghor. qaSDI' ghu'vetlh,
Huch luj Suy.
raS jenDaq mep mavjop DIng Suy. wej Hu' bIH HIj tep lupwI'. vatlh DIS poH
cha'maHDIch mavjopmeyvam luchenmoHlu'pu'mo', qubqu' 'ej lo'laHqu'. 'aghmeH
jenva' lanpu' Suy. mavjop bochmoH Qorwagh 'elbogh juHHov tIH'e'. Doq 'ej
beqpuj rur. mavjop bejtaHvIS Suy, vongchoH. DaHjaj paw wa'maH pupwI'.
DarSeq law' baj 'e' najtaHvIS, mon. pay' mavjopvo' tlhe' 'ej tlhaq legh.
tugh paw lupwI' wa'DIch. wej 'et papDaq romuluS HIq qegh qeng boQwI'.
'o' pa' ghoS Suy. quSDaq Qong boQwI'. <tugh! qoH! nom romuluS HIq yIqem
jay',> jach Suy. lupwI' wa'DIch nejmeH, QorwaghDaq qet Suy. legh 'ej nom
chol 'oH. boQwI'vaD jachqa', <DaH romuluS HIq Daqembe'chugh, vaj bIHegh!>
vemtaHvIS boQwI', quSvo' pum. lImqu'. qegh 'ughqu' woH 'ej qeychoH.
HaQchormo', Humqu' rav. pum boQwI' 'ej qegh chagh. ghor qegh. HaQchor
HotDI' romuluS HIq, tujchoH HIq 'ej pubchoH. pay' jorqu' 'oH. DejtaHvIS
qach, Dat pum 'aH. DIvo' boQwI' vul luH Suy. boQwI' vemmeH, qab mupmeH
Suy, ghItDaj lo'. Suy leghDI' boQwI', putaHvIs jachchoH. Suy qab jeq
mavjop law'; vIghro' naS rur. <yItamchoH, Ha'DIbaH. nuq Data'pu'?> jachqu'
Suy. jang boQwI', <vISovbe'. HaQchoDaq jIpumDI', ghor HIq qegh.>
<tu'HomI'raH, vay' DaSovbe''a' jay'? DuDlaHbe' HaQchor romuluS HIq je.
malja'wIj DaQaw'. QaghlIj DaDIlmeH, bIyIn 'e' vIchaw'!>
SanDar