tlhIngan-Hol Archive: Thu Nov 06 11:16:59 1997
[Date Prev][Date Next][Thread Prev][Thread Next]
Re: peDtaH 'ej jIQuch
- From: "William H. Martin" <[email protected]>
- Subject: Re: peDtaH 'ej jIQuch
- Date: Thu, 6 Nov 1997 14:17:53 -0500 (Eastern Standard Time)
- Priority: NORMAL
bIjatlhmeH reH mIwlIj vItIv. bIjatlhchu' 'ej qayajchu'.
On Mon, 3 Nov 1997 14:09:46 -0800 (PST) Alan Anderson
<[email protected]> wrote:
> DaHjaj qaSpa' jajlo' peDchoH muD.
DaqlIj bIr law' DaqwIj bIr puS.
> QIt vI'taH chuchHom.
> wej Sorvo' pumpu' por law'.
naDev beqpuj rur pormey law'. Doq 'op pormey. SuD pormey puS.
> Sor lupIDlu'law'.
'IHlaw'.
> peDtaH.
> peDtaHvIS chISchoHlaw' muD.
> nup chuq vIleghlaHbogh.
> QIt yav So'lu'.
bIjatlhchu'. yabwIjDaq vIlegh.
> yIQ pumtaHbogh chuchHommey.
chuch yoDHommey DeghHommey ghap rur.
> Sor He qach joq lumupDI', taDchu'.
> tugh chuch wep tuQtaH Sormey.
Sormey tujmoHlaH wepmeyvam 'e' vIHon.
> loQ QobchoH Hemey.
chaq qoHvaD qar. yep valwI'.
> yaHvo' juHDaq jIjaHmeH ngajqu' lengwIj.
> poQ vagh tup neH.
> He Dotlh vISaHbe'.
bIyIt'a' pagh bIlIgh'a'?
> peD muD 'e' vItIvbej.
> DIS poH bIr vImuSHa'.
maj. Daq bIr DaDabchugh vaj bIbIr 'e' DatIvchugh qaq ghu'.
> tlhuHmoH qar'a'?
'Iv tlhuHmoH? <<tlhuHmoHlu' qar'a'?>> bIjatlh 'e' DaHech'a'?
> -- ghunchu'wI'
charghwI'