tlhIngan-Hol Archive: Fri May 30 14:20:39 1997
[Date Prev][Date Next][Thread Prev][Thread Next]
nagh moj lung'a' Hom
- From: "Robyn Stewart" <[email protected]>
- Subject: nagh moj lung'a' Hom
- Date: Fri, 30 May 1997 14:20:20 PST
- Organization: NLK Consultants, Inc.
- Priority: normal
nagh moj lung'a' Hom
===============
tera'Daq bov tIQ yIqel. 'Itlh Ha'DIbaH tI je 'ach DaHjaj yagh
rurbe'. SuSmo' loQ joq Sormey tInqu'. Sormey bIngDaq yIQ yav. tun
'ej ngIm lam'. nargh He'So'bogh SIpmey raghmo' tI. wutlhDaq DuD bIQ
lam je 'ej gho'chugh vay' yavDaq ghIr. .
ghoS Ha'DIbaH tIn. qetqu'. mIch yIQ chol 'ach juSmeH tlhe'.
HeHDaq qet 'ej mIch yIQ Don. tugh paw Ha'DIbaH cha'DIch.
qettaHvIS lung'a'vam chuS yav. Ha'DIbaH wa'DIch legh 'ej
Hojbe'taHvIS tlha'qu'. He qImbe'. mIch yIQDaq qet. gho'DI'
qam peplaHbe'. jach 'ej nogh 'ach noghDI' jon rav. ghIr lung'a'.
nachDaj ngaSchoH lam. tugh Hegh. ghIrlI' lom. SubchoH yav 'ej
lomDaq 'uy lam. ragh Ha'DIbaH. ratlh HomDu' chIm.
raghbe' HomDu'. HomDaq DISHomHeymey law' lutu'lu' 'ej 'el bIQ.
tlhIlmey ngoSpu' bIQ 'ej HomDu'Daq vI' tlhIlmey. QIt Hom teb
nagh. 'uy lam. QaDchoH yav. 'uyqu' yav 'ej nagh moj mIch. HomDu'
choqchu' nagh. nagh ghormoHDI' vay', lung'a' tIQ tu'!
SKI: Qov continues on the theme of dissolved minerals. (And you
thought reading about ghunchu'wI''s vacations was dull.)
You learn how much you don't know about a process when you can no
longer hide behind fancy English words like "mineralization" and
"sedimentary." Anyone with a firmer footing in fossilization science
is welcome to play too--in tlhIngan Hol of course.
Robyn Stewart [email protected]
NLK Technical Library ph. (604) 689-0344 fax (604) 443-1000
NLK Consultants Inc. 855 Homer Street, Vancouver BC V6B 5S2