tlhIngan-Hol Archive: Fri May 30 10:40:45 1997
[Date Prev][Date Next][Thread Prev][Thread Next]
bIQ HoS
- From: "Robyn Stewart" <[email protected]>
- Subject: bIQ HoS
- Date: Fri, 30 May 1997 10:39:18 PST
- Organization: NLK Consultants, Inc.
- Priority: normal
bIQ HoS
======
let nagh. HoSghaj nagh. HeDbe'. nagh vo'DI' SuvwI', latlh nach
ghormoHlaH. nagh let law' tlhIngan Hom let puS. let nagh.
pujlaw' bIQ. reH Haw'. wutlhDaq So''egh. bIQ luvo' puqpu',
HaghtaHvIS. tlhIngan 'Iw jeD law' bIQ jeD puS. HoSghajHa''a' bIQ?
ghobe'. ghomDI' nagh bIQ je, Daj ghu'. let nagh 'ach tuvqu' bIQ.
ba'taHvIS nagh, vangtaH bIQ. nagh QarghHom teb bIQ. taDDI' Sach.
Qargh poSmoH chuch 'ej nagh ghorchoHmoH. QIt nagh let QopmoH bIQ.
Halmey law' ngaS nagh. motlh let 'ach rut tun. nagh tlhIlmey tun
ngoSlaH bIQ. rut wutlhDaq DIS chenmoH.
DISDaq pum tlhIl qengbogh bIQ'e'. pum. pum. pum. pumDI' qoj SaqDI'
ratlh pugh. vI'taH pugh. DIS Dungvo' HuSchoH tlhIl tut. DIS
bIngvo' QamchoH tlhIl tut. rut rarchuq 'ej DISDaq Qam tut Doj.
ravDaq nech bIQ. tlhIlmey vI'moH. nagh chu' moj tlhIl tlhoQ.
vaj HoSghajbej bIQ. nagh ghormoHlaH 'ej nagh chenmoHlaH je.
SKI: An intensely dull piece of non-fiction, inspired by peHruS.
It should, however, be fairly easy for beginners to read because I
have tried to write it with the monotonous rhythm of dripping water,
meaning no long convoluted sentences. Yes, you'll have to look up a
lot of words, because this is a vocabulary exercise for me, but heck,
if you're a beginner you have to look up most of the words anyway,
right?
- Qov
P.S. You know, Marc Okrand did a damn good job of providing useful
vocabulary. I'd say the only topic I'd be hard pressed to write an
essay on would be interior decorating. Lack of words for colours,
furniture, wall, window, ceiling, textiles, artwork or floral
patterned chinaware kind of restricts that one to somethig like:
ghuy'cha'! juHchajDaq Dochmey 'utbe' lanbe' SuvwI'!