tlhIngan-Hol Archive: Fri May 09 22:33:39 1997
[Date Prev][Date Next][Thread Prev][Thread Next]
Re: RE: be'pu'
- From: "William H. Martin" <[email protected]>
- Subject: Re: RE: be'pu'
- Date: Sat, 10 May 1997 01:33:48 -0400 ()
- Priority: NORMAL
On Wed, 7 May 1997 06:58:23 -0700 (PDT) DaQtIq
<[email protected]> wrote:
>
> SuStelvaD jang charghwI':
> >> > nayta''a'? tIn'a' loDnalDaj?
> >>
> >> pagh nayta'. 'a Qup. cha'maH wa' ben bogh. SochHu' ghaH bangDaj je
> >> luchevlu'. be' Qupqu' DamaS'a'?
> >
> >jISaHbe', 'ach ghaHvaD jIqanlaw'. DISmeywIj bID ghaj. qatlh
> >mumaS?
>
> tlhInganna' SoHmo' jay'!!!
wej be'vam vISov. Doq jIbDaj. Doj ngevDaj. Qup. mach. tlhIngan
Hol jatlhqang 'ach wej jatlhlaH. qechmeyvam vIqelDI' jIbel, 'ach
nuv naQ ghaH 'ej loQ vISovlaw' neH. muSovlaw''a'? ghaytan
muSovbe'qu'. wIqeltaHvIS maja'chuqtaHchugh maDoch. vIvuv vIneH.
ghaHvaD bang wIvlaH ghaH neH. qaS nuq? vIloS.
> potlhbe' DISmey. muwamta' be' Qupqu'. be'vam Qup law' "Kellie" Qup puS.
> loQ SoH qan law' jIH qan puS 'ach cha' tlhInganna' loD maH 'ej potlh 'Iw'e'!
<<muwamtaH jIb Doq>> muja' pagh. tev ghaHbe'. nuv ghaH.
chaq tev jIH... {{:)>
'ach ngoDvam ghovbe'law' be'pu'.
> >chaq Dogh muwIvbe'bogh Hoch be'pu'. jIle'. ram. Doghchugh Hoch
> >be', jISaHbe'. reH Suvrup SuvwI''a'. jImobvIpbe'ba'.
>
> Doghbej be' law' 'ej quv luHutlh be' law'. vItlhejQo'. reH nIteb DujDaj
> chIjqang SuvwI'.
HIja'. 'ej 'utbe' bel net Sov.
> - DaQtIq
charghwI'