tlhIngan-Hol Archive: Fri Mar 21 08:01:25 1997

Back to archive top level

To this year's listing



[Date Prev][Date Next][Thread Prev][Thread Next]

HoghwIj vIDeltaH



[be'nalwI' qorDu' juHDaq maQongtaH]

'eqtaHvIS po jIvemmeH tlhaq ghum vIlIsta'.
qachvo' jIlel'egh 'ej chal Hurgh vInuD.
toH, lIy vIlegh!  Dojqu'.
machbej lIy 'ach wewqu' 'ej DaQHey ghajbej.
DaH wej lIy vIleghchu'pu':  "Hale-Bopp" "Hyakutake" "Halley" je.
[Hoch pong taghmoH "H".  Huj.]
qach vI'elqa' 'ej leghlaHmeH be'nalwI' vIvemmoH.
legh; loQ mutlho'; Qongqa'.  jIQongqa' je.

wa'maH cha'vatlh wejmaH rep raQpo'Duj wItIjnIS.
DujyotlhDaq nuDorqang be'nalwI' SoS, 'ach wa'maH wa'vatlh rep vumnIS.
vaj loQ ma'eqnIS 'ej DujyotlhDaq mapawDI' maloSnIS.
De'nav wIlaD.  mayIt.  maleS.  "Oprah" bej be'nalwI'. :-)

ma'eqmo', tIjmeH chaw'mey wa'DIch DISuq.
nom Duj wItIj.  'aHmaj wIlelHa'.
Duj teblu'be' 'ej leng wISIQ.
"soda" DItlhutlh 'ej naHlet DISop.
meghqoq nablu'.  (cheese and crackers and a fat-free granola bar)
"Orlando"-Daq yev Duj.
'oHDaq maratlh 'ej tugh "Ft. Lauderdale"-Daq mapaw.
matenHa'.  tepmaj wISuqqa'.  
lupwI'Hom vIngIp 'ej mebqachDaq vIchIj.

mapawpu'DI' pagh wIchavlaw'.
pa'Daq tepmaj wIghomHa'moH.
bIQ'a' HeHDaq mayIt.  mebqach ngengHeyDaq mayIQ.
'uQ wISop.
bIrbe'bogh muD wItIvbej.
letbe'bogh QongDaq wItIvbej je...'ach Saja'Qo'.

[qaS choS; qaS po; cha' jaj]

-- ghunchu'wI'



Back to archive top level