tlhIngan-Hol Archive: Thu Mar 20 08:39:58 1997
[Date Prev][Date Next][Thread Prev][Thread Next]
HoghwIj vIDelchoH
- From: [email protected] (Alan Anderson)
- Subject: HoghwIj vIDelchoH
- Date: Thu, 20 Mar 97 10:51:58 EST
wa'maH Hu' maghIQruplI' jIH be'nalwI' je.
De' Huch chaw'mey je DISuqta'.
tay' Hoch juchmaj Sutmaj 'aHmaj je.
maDachmo' be'nI'wI' juHDaq meb moj puqloDma'.
loQ be'nI' qorDu' vIQIjnISlaw':
wa' puqloD Qanqu', wa' ghu je boghmoHta' be'nI'wI' be'nalDaj je.
cha' ben bogh loDHomchaj. wa'vatlh cha'maH wa' Hu' bogh be'Homchaj.
pe'vIl puqloDma' "Corey" parHa' puqloDchaj "Jacob".
SuchDI', pongDaj jach 'ej mon.
Hogh tIvrupba' "Jacob".
Qanchu'mo' puqbe'chaj "Sarah" SaHbe'law'.
"Corey" 'aH wItay'moH 'ej be'nI'wI'Daq wIqeng.
Doch puS DIlIjpu' vaj lengHom cha'DIch wISIQ.
Sumqu' juHmeymaj vaj qay'qu'be', 'ach mapaSchoH.
mavanchuq 'ej majatlh <yIQaQ. tugh pIleghqa'>.
'ach latlh wIlIj tugh 'e' wItu' vaj lengHom wISIQqa' jay'.
pItlh -- Hoch 'aH 'ut ghaj puqloDma'.
Hoch De' 'ut ghaj be'nI'wI' be'nalDaj je.
vaj mamejlaH.
wa'maH Hutvatlh rep matlheDpu' 'e' wInab.
wInabHa'pu'ba', cha'maH cha'vatlh rep matlheDmo'.
qaStaHvIS ram wa'DIch, be'nalwI' qorDu' wISuch.
pa' mapaw, paSqu'. QongtaH chaH. qay'be' -- maQongnIS je.
[qaS choS; qaS po; wa' jaj]
-- ghunchu'wI'