tlhIngan-Hol Archive: Fri Jun 06 13:18:09 1997
[Date Prev][Date Next][Thread Prev][Thread Next]
Re: Kosher
- From: [email protected] (Alan Anderson)
- Subject: Re: Kosher
- Date: Fri, 6 Jun 97 12:51:28 EST
jIja'Ha':
>>cha' lem 'ay' ghajchugh Ha'DIbaH, Hat.
ja' ~mark:
>HIja', DaQIjchu'be'pu'. DaQIjHa'! cha' lem 'ay' ghajchugh Ha'DIbaH,
>Hatbe'qu'!
HIvqa' veqlargh. _wa' lem 'ay'_ vIghItlhta' 'e' vIHech.
<cha' lem 'ay' Hutlhchugh Ha'DIbaH, Hat> vIghItlhpu',
'ach loS 'uS ghajbe'bogh Ha'DIbaH vIqelDI' mu'tlhegh vIchoHmoH.
jIghIH 'ej mu' wa'DIch vItu'Ha'.
>('ej cha'logh SojDaj yIvnIS).
toH! Soj yIv Ha'DIbaHvam mub, ghup, loS, ghupHa', yIvqa', ghupqa'.
jIja' je:
>>bIQDaq yInchugh 'ej letqu'chugh DIrHeyDaj, Hat.
ja' je ~mark:
>bIQDaq yInchugh 'ej letqu'chugh DIrHeyDaj, Hatbe'qu'!
qechwIj vIQIjmeH yapbe'ba' ta'wIj. mumagh mu'tay'.
Hom Dabogh DIr letqu' ghaj Ha'DIbaH vIqeltaHbogh.
Homna' Hutlh Ha'DIbaHmeyvam.
>(yoDHomHey ghajnIS DIrDaj, 'ej *fin*Du' ghajnIS je).
Dech yoDHomHeymey, 'ach tuntaH DIrna', qar'a'?
yoDHomHey "fin" je luteqDI' ratlhlaw' DIr tun.
toH. mubwI' DelmeH chut puS law' HatwI' DelmeH chut puS puS.
cha'logh Soj ghupchugh 'ej cha' 'ay' ghajchugh lem, mub rav ngan.
luQanchugh yoDHomHey 'ej luvo'chugh "fin"-Du', mub bIQ ngan.
mub chal ngan.
qar'a' chutmeyvam'e'?
-- ghunchu'wI'