tlhIngan-Hol Archive: Tue Jun 03 20:42:36 1997
[Date Prev][Date Next][Thread Prev][Thread Next]
Re: SonchIy, Heghtay
>mu'meyvam DISov: Heghtay, SonchIy. taymeyvam DellaH vay'?
taymeyvam vIDelqangchu'.
>Paramount mu' rurlaw' SonchIy. tayvam muchta' *episode* 'e' vItul.
HIja'. lutHomvetlh pong 'oH <ghomqa'ghach>'e' ("Reunion").
<SonchIy tay> Del <Hov leng De'paq'a'>:
tlhIngan tay 'oH. cho' tay 'ay' 'oH.
<Heghpu' ghaH> 'oSlaw' <SonchIy>.
Heghbejpu' DevwI' 'e' 'ol SonchIy.
DevwI' cho'wI' wIvlu'pa' qaSnIS tayvam.
Heghpu'bogh DevwI' HotmeH 'oy'naQ lulo'lu' 'ej qaD SoQ muchlu'.
"Qab jIH nagIl" rur muchvam. <bIngIlchugh HIqaD> mughlaw'.
<Heghtay> Del je <Hov leng De'paq'a'>:
HeghDI' SuvwI'pu' qoch, tayvam luta'.
Heghpu'wI' mInDu' poSmoH wa' SuvwI' 'ej ghaHDaq qev latlhpu'.
jachqu' chaH! SaQbe'taH -- Qapla' luloptaH!
Heghpu'bogh latlhpu'vaD jachlaw': peghuH! lIghoS tlhIngan SuvwI'!
(tayvam'e' 'ang je Hov leng lutHom <ghomqa'ghach>.)
-- ghunchu'wI'