tlhIngan-Hol Archive: Mon Jun 02 23:09:48 1997
[Date Prev][Date Next][Thread Prev][Thread Next]
DIp qaD
tlhIngan Hol mu'ghom 'qy' wej DoD cha' DoD wa'Daq DIpmey rarlu'bogh ghItlhmey
tu'lu' net Sov
cha' DIpmey DIpmey law' joq rarlu' 'e' vIlaD
'ay' wej DoD cha' DoD cha'Daq wot mu' Segh HutDIch {-wI'} je rarlu'bogh
ghItlhmey tu'lu'
'ay' wej DoD cha' DoD wejDaq latlh DIpmey napbe' ghItlhmey tu'lu'
pa' <<cha' mu' ghoghmey wej mu' ghoghmey joq tlhIngan Hol DIpmey law' tu'lu'
'ach Seghmeyvetlh Delbe' DungDaq 'oHtaHbogh mu'mey
ghaytan qaStaHvIS poH 'eq chenmoHmeH DIpmey nap rarlu' 'ach DaH DIpmey napbe'
chenmoHbogh wa' Hoch ghap lo'lu'be'mo' vaj mu'qunQeD Qulchu'be'taHvIS nuq
lu'oS mu''qy'meyvetlh 'e' wISovlaHbe'>> qonlu'
DIpmey neH DUrarlaH 'e' 'oSba' wej 'ay'meyvam
'ach pabbe'law'bogh DIpmey napbe' law' qonpu' je Marc Okrand
{Saqghom} Pbotjan} {lolSeHcha} {qawHaq} {Qapla'} {QumpIn} {SeHlaw} {lupDuj}
{muvtay} {qughDuj} {ra'ghomquv} {QongDaq} {vutpa'} {'Iw 'Ipghommey} {qa'meH}
{nIbpoH} {nenghep} {nentay} je bIH rarchuqbogh DIp'e' wot'e' je
{bIQtIq} {De'wI'} {HoSghaj} {Hovtay'} {maSwov} {mongDech} {mu'tay'}
{yuQjIjQa'} {chuS'ugh} {HerghwI'} {leSSov} {HeDon} je bIH rarchuqbogh Seghmey
nIbbe''e'
jatlh nuvpu' 'op DIp Da qaSpa' DaHjaj DI[ 'oHbe'bogh mu''e' 'ach
matoblaHbe' 'e' jIQoch
vImaq tlhIngan Hol mu'ghom 'ay' wej DoD cha'Daq <<mIch law' ngaS DIpmey
DuDlu'bogh>> 'ej DIpmey neH 'oSbe' mu' {mIch} jay'
chaq wotmey DIlo'laH je maH
DungDaq bIHtaHbogh lo'mey tu'lu'mo' lo'ta' Marc Okrand 'e' vIHarchu'
mu' {nenghep} wIwavDI' wot {nen} DIp {ghep} je DItu'ba'
chay' mu' {peHghep} wIwav 'e' wISovbe'
'ach DungDaq 'oHtaHbogh mIw wIHaDchugh wavDI' wot rurlaw'bogh {peh} DIp
{ghep} je DISuqba'
Mark Okrand ghItlhmeyDaq tay'be'taHvIs mu' {peH} not wIleghpu'mo' DaH
lu'lo'be' chu' KLI nuvpu'
'ach vImaq Dajpa' wot 'oH 'e' vISovchu'
nuHvan vIwoHchu' 'ej jIqaDrupchu'
Sachjaj tlhIngan wo' 'ej Sach Sachjaj tlhIngan Hol
Qapla' peHruS