tlhIngan-Hol Archive: Mon Jun 02 09:22:45 1997
[Date Prev][Date Next][Thread Prev][Thread Next]
Re: bIQ HoS
- From: "SuSvaj" <[email protected]>
- Subject: Re: bIQ HoS
- Date: Mon, 2 Jun 1997 12:30:06 -0400
ghItlh Qov
> << bIQ HoS
> ======
>
> let nagh. HoSghaj nagh. HeDbe'. nagh vo'DI' SuvwI', latlh nach
> ghormoHlaH. nagh let law' tlhIngan Hom let puS. let nagh.
>
> pujlaw' bIQ. reH Haw'. wutlhDaq So''egh. bIQ luvo' puqpu',
> HaghtaHvIS. tlhIngan 'Iw jeD law' bIQ jeD puS. HoSghajHa''a' bIQ?
>
> ghobe'. ghomDI' nagh bIQ je, Daj ghu'. let nagh 'ach tuvqu' bIQ.
> ba'taHvIS nagh, vangtaH bIQ. nagh QarghHom teb bIQ. taDDI' Sach.
> Qargh poSmoH chuch 'ej nagh ghorchoHmoH. QIt nagh let QopmoH bIQ.
> Halmey law' ngaS nagh. motlh let 'ach rut tun. nagh tlhIlmey tun
> ngoSlaH bIQ. rut wutlhDaq DIS chenmoH.
>
> DISDaq pum tlhIl qengbogh bIQ'e'. pum. pum. pum. pumDI' qoj SaqDI'
> ratlh pugh. vI'taH pugh. DIS Dungvo' HuSchoH tlhIl tut. DIS
> bIngvo' QamchoH tlhIl tut. rut rarchuq 'ej DISDaq Qam tut Doj.
> ravDaq nech bIQ. tlhIlmey vI'moH. nagh chu' moj tlhIl tlhoQ.
>
> vaj HoSghajbej bIQ. nagh ghormoHlaH 'ej nagh chenmoHlaH je.
bIghItlhDI', *Bruce Lee* Darur. "pujlaw' bIQ, 'ach nagh Qaw'laH 'oH. bIQ
yIrur jupwI'!" 'e' jatlh *Bruce Lee.*
SuSvaj