tlhIngan-Hol Archive: Sun Jun 01 11:54:25 1997

Back to archive top level

To this year's listing



[Date Prev][Date Next][Thread Prev][Thread Next]

ro'qegh'Iwchab mIw



ro'qegh'IwchabwIj mIw luneHlaw' ghot puS. peqIm! jIHvaD mIw ghojmoH 
vavnI'wI' 'ej ghaHvaD ghojmoH vavnI'Daj. tIQqu'. tera'Daq jIratlh 
net raDmo', Do'Ha' mIw vIchoHnIS. 'Iwchab 'ay'mey lugh vISuqlaHbe'. 
vaj tera' naH vIDelmeH, DIvI' Hol pong puS vIlo'nIS.

1. "Chili" yIchenmoH! naH Doq law' tIlo'. "Pepper"mey Doq neH vIlo'.
   "Pepper"mey SuD vIlo'Qo'. qurgh Doq tIlo'. (qurgh qIj vImaS 'ach
   "Kidney" qurgh Hurgh, "Kidney" qurgh Hurghbe' je neH vIlo'.)
   "Chili" yIjeDqu'moH 'ej yIHe'qu'moH. ("be spicy" 'oSmeH, wot vIpoQ!)
   juHDaq lularghnISlaH Hoch 'ej ghungchoH. (bIpo'chugh, ghaytan DaH
   SuvwI' ghung law' DaSuvnIS. "Chili" yIHubrup 'ej yIHub'eghrup.
   nIteb jIvutmo', Do'Ha' Qobbe' mIwvam.)

2. cha' chab "crust" tIchenmoH (pagh tIje'. jIbuDmo' jIje'.)

3. chab "crust" wa'Daq "Chili" jeD yIlan.

4. "Chili" DungDaq "Cheese" yIlan. (chaq 'utbe' 'ach jeDqu'choHmoHmo'
   vItIv.)

5. "Chili" "Cheese" je DungDaq chab "crust" cha' yIlan. chab "crust"
   cha' yISIj.

6. DaH 'Iwchab yIvut. chISHa'choHDI' "crust", rIntaH.

yISop 'ej yItIv!
- DaQtIq

(yIngong! mIwwIj DaDubchugh HIghojmoH!)



Back to archive top level