tlhIngan-Hol Archive: Sun Jul 13 01:58:43 1997
[Date Prev][Date Next][Thread Prev][Thread Next]
lut taQ
- From: "Donald E. Vick" <[email protected]>
- Subject: lut taQ
- Date: Sun, 13 Jul 1997 01:51:24 -0700 (PDT)
mu' Quj vIparHa'mo', lutvam qech vIQub. yIqel.
qaStaHvIS DIS law' taH veS.
Suvchuq tlhIngan wo', romuluS wo' je.
batlh Suv tlhIngan vajmeyna', 'ach jaghmeychaj quvHa' lujeylaHbe'taH.
qaS may' law', 'ej yo' qIj muv yoHbogh vajmey law'.
qaSpu'DI' DIS law', romuluSnganpu' lujeychoHlaw' tlhInganpu'.
rojHomvaD SutlhmeH, Duy ngeH romuluS qum.
bel tlhIngan quprIp, 'ach loQ 'urmang lupIH.
qarchu' chaH.
pawDI' Duy, nob qem.
tlhIngan voDleHvaD DujHom nob romuluS woq.
rugh Hap je juvbogh jan luDuy'moH romuluSngan chamwI'pu'.
pIvghor chu'DI' DeghwI', jorqu' jay' 'e' pIH Duy quvHa'!
quvHa'bej romuluSngan, 'ach QIp.
DujHom De'wI' luDuy'moH 'e' lIj chamwI'pu'.
DujHom tobchoHDI' tlhIngan 'avwI', Duy' tu' De'wI', 'ej 'avwI' ghuHmoH.
luj nab quvHa'.
romuluS Duy HoH tlhIngan SuvwI'pu', 'ej rojmab tem tlhIngan woq.
Duy' Duy Duy'.
taH veS.
rIn lut.
boparHa'chugh, HIja'. boparchugh, targhlIj yInga'chuq. }}>:-)
wIvqu', law'wI'pu'vaD Holtej jIH
----------------------------------------------------------------------
| Thaddaeus Vick, Linguist to the Masses | [email protected] |
| | |
| I could be wrong. After all, there's | |
| a first time for everything. | http://www.crl.com/~dvick |
----------------------------------------------------------------------