tlhIngan-Hol Archive: Tue Jul 08 16:42:46 1997
[Date Prev][Date Next][Thread Prev][Thread Next]
Saj, 'ay' wa'DIch
- From: "Deborah Kay" <[email protected]>
- Subject: Saj, 'ay' wa'DIch
- Date: Tue, 8 Jul 97 23:45:23 UT
peqIm, taghwI'pu'. lutHom vIqon. bolaD 'e' yInID. loS 'ay' tu'lu'. yItIv.
Attention, beginners. I wrote a short story. Try to read it. There are four
parts. Enjoy it!
pab po'wI'pu' latlh laDwI'pu' je, yItIv. QaghmeywIj bolughmoH 'e' vItlhob.
Hatlh yopDaq yIn qorDu'. Qatlh ghu' 'e' luqelbe'. SIQmeH, Hoch jaj wam vav.
wamwI' po' ghaH 'ej motlh Soj yap qem. ghaH QaHmeH be'nalDaj, ngemDaq naH
naHlet je woH 'ej puqloDchaj Qup Qorgh. nap yInmeychaj.
po' 'eq wammeH vav, mej. pIj jaj naQ Dach. vemDI' loDHom, tlheDrup SoSDaj.
ngemDaq ghaH tlhej puqloDDaj. yIttaHvIS, Ha'DIbaH tlhol QaDmoHlu'pu'bogh
luSop. tuj muD 'ej nI' jajmey. chalDaq pagh 'engmey tu'lu'. law' naH 'ej
ngeD SoS Qu'. nom juHDaq cheghlaH. yIttaHvIS, vay' Qoy loDHom. SaQbogh ghu
rur.
<Dochveth nuq, SoSoy?> tlhob loDHom.
<jISovbe'> jang SoS. <ma'Ijchugh, mayeptaHvIS, chaq wISamlaH.>
SaQtaH ghogh. 'Ijqu' SoS loDHom je.
<poSlIj yIghoS> tlhup SoS.
ghogh ghochtaH loDHom. tamtaHvIS, yIt loDHom 'ej wamwI' rur. Qub SoS, DaH
gheD ghoch puqloDwI' 'e' ghojlaH. qaSpu'DI' wa' tup, QaH'eghlaHbe'bogh targh
ghu luSam. bIr 'oH. Duy' wa' 'uS 'ej lon SoSDaj. tugh Hegh, boQ
Hevbe'chugh.
<Saj!> jach loDHom. <vIneHbej.>
<Qo'!> jang SoSDaj. <reH rIgh. reH QaH poQ. lI'be'qu'. Hegh ghu 'e'
chaw'meH, lugh SoS.>
targh retlhDaq ba' loDHom mul. <jISaHbe'. vIneHqu'.> SaQ targh 'e' mev.
targh woH loDHom 'ej DeSDu'DajDaq 'oH 'uch. yeptaHvIS, targ yachchoH. loQ
tujchoH targh.
<vaj, juHDaq Daqemchugh, bIngoy' SoH. DaQorgh, Daje' pagh Hegh. Daqvamvo'
DaqengnIS.> chutmey QIj SoSDaj.
juHDaq cheghmeH, chIch qettaH SoS. SoSDaj retlhDaq ratlhmeH loDHom, qetqu'
'e' raD. machmo' puq, 'ugh targ 'ej 'oy'choH DeSDu'Daj. targh chagh
puqloDDaj 'e' tuv SoSDaj. 'ach targh Dech loDHom DeSDu'Daj. QongchoH
jotpu'bogh targh. juHDaq pawDI' chaH, pa'DajDaq targh tlhap loDHom 'e' nID.
<Qo',> jatlh SoS bergh. <HurDaq ratlh jay'.>
morghchoH loDHom. <bIrchoH SajwIj.>
<vaj mo' DachennISmoH,> jatlh SoS.
mu' jatlhbe' loDHom, 'ach HurDaq ratlh. tI tunDaq targh lan 'ej naQmey woH.
juH retlhDaq tIqbogh tlhegh lang tu'lu'. Qaghmo' loDHom, QIt mo' chenmoH.
rInDI' mo', mo'Daq targh tI je lan. QongtaH ghu. juH ghoS loDHom.
<SoSoy, nuq Sop targh? vIje'nIS.> tlhob loDHom.
<DaSoplaHchugh, vaj SoplaH targh.>
<SopmeH targh, vay' HInob.>
<Qo'! yIqaw. targhvaD bIngoy' SoH.>
Doy' loDHom 'ej leS neH. 'a ngem SumDaq naH puS Sam. ghungmo' 'oH, SaQchoHpu'
targh. cheghDI' loDHom mo'vo' targh teq loDHom, naHmey chor 'ej yavDaq
ba'taHvIS, targhvaD 'ay'mey nob. nom SojDaj yIv targh ghung. Soppu'DI'
targh, loDHom retlhDaq QongchoH. mo'DajDaq 'oH cheghmoH ghaH. Qub loDHom,
DaH jIleSlaH. pa'Daj mach 'elDI' loDHom, mopDajDaq qat'egh 'ej ravDaq Qot.
rIn 'ay' wa'DIch.
SanDar