tlhIngan-Hol Archive: Fri Jul 04 05:18:54 1997
[Date Prev][Date Next][Thread Prev][Thread Next]
qab qan (was qab chu')
- From: "William H. Martin" <[email protected]>
- Subject: qab qan (was qab chu')
- Date: Fri, 4 Jul 1997 08:21:21 -0400 ()
- Priority: NORMAL
chaq Del'egh Hoch. QaQ qeqvam.
On Wed, 25 Jun 1997 15:09:37 -0700 (PDT) Deborah Kay
<[email protected]> wrote:
> ja' SanDar:
> >ghunchu'wI', chu' qabwIj. HInej.
>
> chay' qaghov? yIDel'egh.
> wov tIqbogh jIbwIj.
tun'a' jIblIj? lang'a' jIblIj?
loQ tayHa' jIbwIj tIq. jIbwIj DuDlu'. Hurgh 'op jIbwIj. chIS 'op
jIbwIj. baS rur 'op jIbwIj. loj 'op jIbwIj.
qaStaHvIS yInwIj bID, rol vIghaj. DaH rolwIj vIteq 'ej jIbwIj
tIq vIpol 'e' chup be'nI'wI'. rolwIj vIpol 'ej jIbwIj vIchIp 'e'
chup juHjupwI' chu'. wej mupon.. chaq muponlaH latlh, 'ach DaH
vIponlu'be.
> SuD mInDu'wIj.
mInDu'wIj DuDlu'. "Hazel" bIH. tIn je.
> pupbe' ghIchwIj.
pup 'Iv ghIch? SoQDI' nujlIj bItlhuHlaH'a'? reH nIj'a'?
pupbe' ghopwIj. jISaHbe'. Qapchu'.
> chISqu' DIrwIj. qaStaHvIS jaj, HurDaq jIjaHDI',
> vIQanbe'chugh, DIrwIj meQmoH juHHov.
vaj bIyepnIS. DIrlIj yIQan. HoSchugh Doch, yIlo'. pujchugh Doch,
yIQan. chaq DIr puj Daghaj 'ej tIq HoS Daghaj. vaj DIr yIQan 'ej
tIq yIlo'. DIrlIjmo' rejmorgh yIDaQo'! yIQan neH!
chIS tlhIngan law' DIr. chIS DIrwIj, 'ach Seqram DIr chIS law'
DIrwIj chIS puS. [Seqram = ~mark]
> jIlang 'ach jIlangqu'be'.
jIlang 'ach jIlangqu'be' je.
> jImachqu'.
jImachbe'. loQ jIjenmeH jItIn.
> DaH choSamlaH 'e' DaQub'a'?
chaq. choghovlaH'a'? ram. tugh maqIH. maj.
> SanDar
charghwI'