tlhIngan-Hol Archive: Tue Dec 30 07:07:02 1997
[Date Prev][Date Next][Thread Prev][Thread Next]
Re: qoSlIj yItIv, charghwI'!
- From: "William H. Martin" <[email protected]>
- Subject: Re: qoSlIj yItIv, charghwI'!
- Date: Tue, 30 Dec 1997 10:07:00 -0500 ()
- Priority: NORMAL
On Tue, 30 Dec 1997 04:36:38 -0800 (PST) Linda Hunnefield
<[email protected]> wrote:
> DaHjaj loplu' qoSlIj, qar'a'.
As BG, it's my duty to point out the little word order thing
here...
DaHjaj qaS qoSwIj 'ach lop wa' jup neH. jIHvaD chab chenmoH 'ej
Qe'Daq maSop. pItlh. wa'maH wej ben bangwI' ghaHchoH. cha' ben
bangwI' ghaHpu'. DaH juppu' maHtaH.
> wa'leS chegh Qov.
'e' vIpIH.
> nobmey yuch je munobjaj juppu'lI', 'ach jabbI'IDvam mach neH qanob.
qatlh qaSDI' qoSwIj'e', SoHvaD nobmey yuch je nobnIS juppu'wI'?
'ach QInlIj vIlaj 'ej vItIv.
> Do'Ha'.
QIn mach qaq law' pagh qaq puS.
> law'bogh nobmey Dun, Qe' QaQqu'Daq 'uQ joq Daqotlhba', charghwI' quv.
pagh nob vIpIH. chaq wa' nob munob wa' jupwI'. 'ach nobvam
vIqotlhbe' 'e' vIpIH. Qe'Daq uQ nap vISop 'e' vIpIH. jIlop
vIneHbe'. jIropqu'. pe'vIl jItlhuHHa'qa'taH. 'oy' nachwIj.
nIjtaH ghIchwIj.
jIram jIHvaD 'e' pon *QISmaS*. jImob. QIt jISaH'eghchoH 'ach wej
Qu'vam vIta'. jIvumnIStaH.
> vaj Duj DachIj.
qar. DujwIj vIchIjnIS. wej vIchIjchu'. loQ vIchIjHa'pu'. DaH
juH vISammeH Hovmey vIHaDchoH.
> qoSmey DaparHa''a', charghwI'?
vIparqu'. qoSmey tIv nuvpu' le'. le' chaH 'e' lutob juppu'
bangpu' je 'ach mutobbe'lu'.
> parHa''a' tlhInganpu'? Sovchu''a' vay'?
vay' lopmeH meq parHa'ba' tlhInganpu'. lopmeH meq 'oHbe'
qoSwIj'e'. jIboghpu'. SaH 'Iv?
> ben 'ar bIbogh? chaq potlhbe' 'ach jISIvlI' . . . .
loSmaH wej ben jIbogh.
pIj jIQuch. jImI'chu' 'ej Hoch vItIv. DaH jI'IQ 'ej jIqej.
jIyuDHa'nIS.
> Qapla'
Qapla' vISamlaHbe'mo' jIqej.
> ~~~~~~~~~~~~~~~~~~~~~~~~~
> Linda J. Hunnefield, Salunga PA
> [email protected]
> Klingon name: qoro'nIn
> Trail name: Angel Eyes
>
charghwI'