tlhIngan-Hol Archive: Thu Dec 18 07:20:58 1997
[Date Prev][Date Next][Thread Prev][Thread Next]
Re: Qu''a' vIta'
According to Alan Anderson:
>
> ja' charghwI':
> >bangHeywI' vIQorghta'. yIntaHmeH be'vam, Qap HaqwI'. QIt pIvqa'.
>
> maj. QaQlaw' De'vam.
cha' DaqmeyDaq be'vam QIDlu'. Haqlu'pu'DI' natlhbogh cha'
balHom Suq Hoch Daqvam. natlhlI' loS balHom. qaSpu'DI' cha'
Hogh cha' bal teqlu'. cha' balHom qengnISlI'mo' qej, 'ach
pIvchoHlI'mo' Do'.
> >pIjHa' vIghomqa' 'e' vIpIH... tIqwIj tIvlaHbogh be'vaD tIqwIj vIpol.
>
> bISov'eghba'.
rut jISov'egh. rut jIlIj. rut jIDoghqu' 'ej jI'IQqu'. bangvam
vIneHtaHmo' jIDoghqu'ba'. chaq tugh ngoDvam vIlIjlaH 'ej jIHvaD
jIrojqa'laH. wej.
> >loQ jIrop, 'ach ram. QaQ yInwIj.
>
> batlh yIn DaSIQchu'.
rut jIghel'egh qatlh jISIQnIStaH? rut batlhHa' jIvang. batlh
vIbaj vIneH, 'ach vIbajchu'be'.
> >SochleS *reH pa'*Daq Hoch DochmeywIj vIlannISta'. Qu'wIj chu'
> >'oH. Qu'mey poQlu'ba'.
>
> jIQochbe'. potlhbej Qu'na'.
DaH ghIHqu' juHwIj. naQqu'. jIyItmeH jIyepnIS. Dochmey
vISamlaHbe'. jIghIQmeH jIHopqu'choH vIneH 'ej Daq chu'Daq jIDab
vIneH. loQ batlhHa' jIving.
'ach QIt jIHoSqa' 'ej batlh vIbajqa'. mumer Qu''a'vam.
vIta'rupbe'pu'.
> -- ghunchu'wI'
charghwI'