tlhIngan-Hol Archive: Thu Dec 11 16:25:31 1997
[Date Prev][Date Next][Thread Prev][Thread Next]
wam bom
- From: "Neal Schermerhorn" <[email protected]>
- Subject: wam bom
- Date: Thu, 11 Dec 1997 19:29:18 -0500
(BTW, my human self is not a hunter - 'ach naDev, tlhIngan maH! 'ej wamnIS
tlhInganpu'!)
wam bom - qon Qermaq
-----
Ha'DIbaH wIwamtaH,
Ha'DIbaH wIwam.
quvbogh wamwI' yoH maH.
tugh HajDob moj gham.
Ha'DIbaH wIleghtaH,
Ha'DIbaH wIlegh.
quvbogh leghwI' yoH maH.
wIghochpu'DI' Hegh.
Ha'DIbaH wItlha'taH,
Ha'DIbaH wItlha'.
quvbogh tlha'wI' yoH maH.
wIwegh'a'? HIja'!
Ha'DIbaH wIqaDtaH,
Ha'DIbaH wIqaD.
quvbogh qaDwI' yoH maH.
yInbe'laHmo', taD.
Ha'DIbaH wIHoHtaH,
Ha'DIbaH wIHoH.
quvbogh HoHwI' yoH maH.
DaHram 'uQmaj 'oH!
-----
batlh pebom 'ej batlh pewam.
Qermaq