tlhIngan-Hol Archive: Sun Apr 27 23:50:49 1997

Back to archive top level

To this year's listing



[Date Prev][Date Next][Thread Prev][Thread Next]

Re: RE: yIHmey



On Fri, 25 Apr 1997 11:13:42 -0700 (PDT)  DaQtIq 
<[email protected]> wrote:
> 
> jIHvaD jang SuStel:
> >> not yIH vISop. yIH vIvutmeH, qay'qu'.
> >
> >yIH!  yIH Sop 'Iv?
> 
> vISopbe'bej!

qa'vIn tujqu'Daq yIH vIchagh 'e' vItIv. vIchoptaHvIS jach 'ej 
Hegh. qa'vInmo' SopmeH QaQchoH yIH, jIHvaD 'e' ghoj SoSnI'wI'. 
vutmeH qorDu' mIw ngo' 'oH. {{:)>
 
> >qatlh reH jatlhlu' yIH Sop tlhIngan?  yIHmey parchu' 
> >tlhIngan!

Sumchugh yIH vImuSchu' 'ach qa'vIn tujqu'Daq 'oHchugh, jImon.
 
> chaq ghoghchaj vItIv, jachtaHvIS lI'be'wI'pu'. chaq qotlh, 
> burghDaq noghtaHvIS.

Dachoppa' Daghup'a'? chay' 'e' DatIvlaH? nujwIjDaq Hegh vIneH.
 
> qa'vInDaq yIH wIchagh, ben puS jabbI'IDghomvamDaq 'e' wIqel.
> chaq yuchDaq tetlu'bogh yIH wItIv je.

qatlh yuch QaQ DanonmoH? 'ej 'uchmeH QatlhmoH yuch. yIHmey 
vutlu'meH qa'vIn qaq law' yuch qaq puS. yIHmey 'oy'qu'mo' 
qa'vIn tujqu', yIHmey roSHa'moH qa'vIn. jachlaH neH. vIchop. 
jach 'e' mevDI', vIghup. qa'vIn tujqu'Daq latlh vIchagh. not 
berghwIj qotlh yIH. pa' Heghchu'pu'.

> >Hoch yIHmey HoHta' tlhInganpu'.  (DaH *DS9*-Daq nargh yIHmey!  
> >chay' SIQ tlhIngan HungyaSpu'?
> 
> yIHmey yachtaHvIS wo'rIv, mon jay'! (QaQ mu'qaDvam, qar'a'?)

SoSlI' Quch Hab qotlh yIHmey! porghDaq yIH SummoHmeH SoSlI', yIH 
'uch SoSlI' 'ej je' yachtaHvIS!

> - DaQtIq

charghwI'





Back to archive top level