tlhIngan-Hol Archive: Sat Apr 26 15:56:26 1997
[Date Prev][Date Next][Thread Prev][Thread Next]
Re: KLBC: be'pu'
- From: "William H. Martin" <[email protected]>
- Subject: Re: KLBC: be'pu'
- Date: Sat, 26 Apr 1997 18:57:58 -0400 ()
- Priority: NORMAL
On Fri, 18 Apr 1997 14:00:56 -0700 (PDT) Lisa Stapp
<[email protected]> wrote:
> -=| Quoting ghunchu'wI' to Lisa Stapp Re: Re: KLBC: be'pu' |=-
>
> >chaHmo' bechbe'bogh loD jISovbe'
> > (I don't know any man who hasn't suffered because of them)
>
> gh> jIbechbe'taH jIH! jIDo'qu'law'; latlhpu'vo' reH lutmey 'IQ vIQoy.
>
> bIDo'qu'! pIj 'oy'chuq loDpu' be'pu' je 'ej not 'e' luHech.
>
> Qatlh ghu'. mapImmo' matIvchuq 'ach mapImmo' maQumHa'.
'e' vIHar vIneHpu' 'ach vIHarlaHtaHbe'. bangwI' wa'DIch jatlh
<<juHwIjDaq HIthej. juHmaj moj juHwIj. 'ach wejleS muSuch latlh
'ej bIlojnIS. latlhDaq yIratlh.>> QumHa'be' be'vam. Qumchu'
be'vam. Qumchu'taHvIS mu'oy'qa'taH be'vam.
[housemate=juHjup]
banwI' cha'DIch Qumchu' je. <<juHjupma' vIngach vIneH.>> mu'ja'.
<<chaq be'nalqoqDaj botlhobnIS.>>
vaj be'nalqoqDaj tlhob juHjupma'. jang <<ghobe' jay'!>>
'ach So'taHvIS batlhHa' ngachchuq bangwI' juHjupwI' je. mumagh
'ej be'nalqoqDaj lumagh. qaStaHvIS wej jarmey batlhHa'
ngachchuqqa'taH Qumchu'taHvIS. quvHa'qu' bangwI' cha'DIch.
'ej qaStaHvIS wa' Hogh Hop. ghogh HablI' lo'. murI' 'ej maQumlI'
qaStaHvIS loS lup. juHjupmaj rI' 'ej QumlI' qaStaHvIS loS rep.
mu'oy'qu' Qumchu'taHvIS.
chaq vIHoH vIneH, 'ach tera'Daq vIHoHchugh chut vIbIv vaj
vIHoHbe'. tera'Daq ghaHlu'taHDI', tera'ngan Dalu'nIS. [When in
Rome...]
> .. We are NOT surrounded. We are in a target-rich environment.
> ___ Blue Wave/QWK v2.12
maj. mu'meyvam vItIvqu'.
charghwI'