tlhIngan-Hol Archive: Fri Nov 15 15:30:30 1996
[Date Prev][Date Next][Thread Prev][Thread Next]
wanI'mey
- From: "William H. Martin" <[email protected]>
- Subject: wanI'mey
- Date: Fri, 15 Nov 1996 18:30:14 -0500 ()
- Priority: NORMAL
juHwIjDaq yInlI' jav nuvpu'. juHvam chenmoHta' nayHa'ta'bogh wa'
SoS 'ej puqloDDaj 'ej wa' be'nal 'ej wa' loDnal. vaghHu'
*Ireland*vo' chegh be'nalvam.
nuja': <<tugh loDnalwI'vo' jImej 'ej *Ireland*Daq jIchegh. pa'
bang chu' vIghaj 'ej vItlhej vIneH.>>
mamerqu'. tugh juHwIjDaq ratlh vagh nuvpu' neH. mISqu'choH
loDnal. QeHqu'choH. 'oy'qu'choH. tamchoH.
loQ jImIS je.
be'nalvam quvHa' vInaDHa'qang, 'ach Qoch loDnal. ghaHDaq
ghaHvaD chegh be'nal neHtaH loDnal. DaH mej be'nal 'e' chaw'
loDnal 'ej chaq nem puS chegh be'nal 'e' tul loDnal.
chaq Doghqu' loDnal 'e' vIpIH.
toH.
DaH jISaw'egh. not latlh vISaw. be'pu' vIparHa'bej 'ej
vItIvlaH, 'ach jISawmeH be'pu' vIvoqlaHbe'. chaq not jIngachqa'.
jISaHbe'. Qu'mey law' vIghaj. QaQ yInwIj. juppu' neH vIghaj 'ej
juppu' neH vIneH. quvHa'pu' Hoch bangpu'wI' 'ej reH quvHa'taH
bang chu' 'e' vIpIH.
'oy' tIqwIj. jISaHbe'. jISIQlaHba' 'ej jISIQqangtaH.
pItlh.
charghwI'