tlhIngan-Hol Archive: Wed May 29 10:49:30 1996
[Date Prev][Date Next][Thread Prev][Thread Next]
Duj chu' vISuqlI'
- From: Alan Anderson <[email protected]>
- Subject: Duj chu' vISuqlI'
- Date: Wed, 29 May 96 11:57:49 EST
ngo'choH DujwIj. ghorlu'taH. nIjlaw'. qaStaHvIS chorgh DIS
batlh mutoy'pu', 'ach DaH latlh vISuqmeH vImech. wa'Hu' latlhmey
vInuD. DaHjaj Duj chu' vIwIvta'. wa'leS vIDIl 'ej DujwIj ngo'
vISuqHa' vaj DujwIj moj Duj chu'.
'IHqu'. Doq 'ej Hurgh. lupDujHom rur. "conversion minivan" 'oH.
loS HoDquSqoq ghaj. tunqu' quSmeyvam 'ej tIn. QongDaq mojlaHbogh
wa' quS'a''e' ghaj je. 'et quSmey jojDaq Soj bIrbe'choHbe'moHbogh
ngaSwI''e' tu'lu'. 'o'Daq rartaH ghIHHa'meH jan. DungDaq HaSta
HuSlu' 'ej ravDaq "VCR" tu'lu'.
Duj QaQqu' wIje'chugh, juH chu' wISuqnISbe' ja'pu' be'nalwI'.
juHwIj vIparHa' 'ej juHwIj Daq vIparHa'qu' vaj Duj QaQqu' vIje'. :-)
waHbe'mo' Dujvam loQ vImerlu'. jIDo'qu'.
vaj DaH DujwIjvaD pong vInejnISlaw'. pongmey Sar vIqellI'. "Safari"
'oH 'ej HurDajDaq pong "Explorer" tu'lu'. chaq pongvetlh vIchoH:
"Exploder" vIja'moHlaH. vaj <jorwI'> Duj vIponglaH, qar'a'? :-)
<toQDuj 'oH DujwIj latlh> ja'bogh "bumper sticker"'e' DaH vIpoQbej.
--------------------------------------------
Alan Anderson Delco Electronics
{ghunchu'wI'} Remanufacturing Services
Test Equipment System Software Group