tlhIngan-Hol Archive: Mon May 06 09:39:15 1996
[Date Prev][Date Next][Thread Prev][Thread Next]
Re: tugh muSuch jup chu'
- From: Alan Anderson <[email protected]>
- Subject: Re: tugh muSuch jup chu'
- Date: Mon, 6 May 96 09:28:17 EST
Suchta' jupna'wI' trI'Qal. wanI' vItIvqu'.
paw ramjep pawpa' ghaH 'ej QongnISbej Hoch vaj poH nI'be' majatlhlaH.
SIStaH muD. lengDajmo' Doy'qu' trI'Qal. QongDaq moj quS'a' 'e'
vIqaSmoH. ghaHvaD puchpa' Daq vI'ang. batlh yIQong vIja'.
DaH Saturday po vIDel.
jajlo' jIvem. "sourdough pancake batter" vIcherpu'. nIQ vIvut.
chabmey wIb beQ DISop qorDu'wIj trI'Qal je.
nIQ wISoppu'DI' "T-ball" Quj puqloDwI' 'e' wIbejmeH majaH.
Qujmay' wa'DIch Quj QujmangghomDaj. Doj may'qoq.
moQHom let qIpmeH naQ'a' lulo' reHwI'pu' 'ej waw'qoqDaq qet.
moQ Suq 'e' nID jagh reHwI' 'ej reHwI' waw' ghap Hot 'e' nID.
po'chu'be'mo' QujtaHvIS potlhchoH chut le'. yotlh DantaHvIS
Qujmangghom jav qetchu'ghach neH toghlaH. vaj Qaplaw' cha'
Qujmangghom. wa'maH cha'logh qetchu'ta' puqloDwI' Qujmangghom.
wa'maH cha'logh qetchu'ta' je jagh Qujmangghom.
Qapchu' pagh tagh Qapchu' Hoch. Quj neH 'oH 'ej Qup reHwI'pu'.
tera'ngan puqmey chaH. loQ potlhbe' Qapla'na'.
--------------------------------------------
Alan Anderson Delco Electronics
{ghunchu'wI'} Remanufacturing Services
Test Equipment System Software Group