tlhIngan-Hol Archive: Fri Jun 28 15:45:06 1996
[Date Prev][Date Next][Thread Prev][Thread Next]
Re: KLBC: jIlIHegh vIneH
- From: [email protected]
- Subject: Re: KLBC: jIlIHegh vIneH
- Date: Fri, 28 Jun 1996 18:44:14 -0400
In a message dated 96-06-28 17:41:15 EDT, you write:
> oH, *MUSH*Daq vIreHDI', jIHvaD tlhIngan nuvHey vIchernIS. vaj pa',
> "Seqram" jIH (pongwIj 'oH mu'vetlh'e'; yImISQo'). 'a yInna'wIj vIqelDI',
> SuvwI' jIH 'e' vIQubbe'. :) vaj nuq ghaH Seqram'e' (Seqram vIqel,
> jIqel'eghbe')? HaDwI' ghaH... tej ghaH... "qunDaj yIDel" vIra'lu'chugh,
> vIja': "tlhIngan puj ghaH, 'ej loQ mach. qatlh HoHlu'pu'be'? lI'qu'mo'
> 'ej valqu'mo', luHoHqangbe'." tlhIngan wo' QeD HaDnIS vay'... tlhIngan
wo'
> De'wI'mey ghunnIS vay'... SuvlaHbe' Hoch'e'.
jIQoch. SuvlaH Hoch tlhInganpu', 'ach SuvwI' ghaHbe' Hoch'e', tejpu' poQbej
wo'. wIjwI' poQbej. ghojmoHwI' poQbej. rut Suv nuvvam, 'ach mang chaHbe'.
pujtaH 'e' chIDbe'law' tlhInganna'. pujtaHchugh, vaj po'nISchoH 'ej
valnISchoH. po'choHbe'chugh, vaj batlhHa' yIn.
yIbuS: *Star Trek: Klingon* reHlu'DI', tlhIngan beq leghlu'. De'wI' patHey
tI' wa'. <Dochvam yIvIHbe'moH> Dura'. ('e' vIqaw. chaq loQ pIm mu'Daj.
'ej DIvI' Hol jatlh.) De'wI' pat yajba' beqvam. 'ach tlhIngan SuvwI'
ghaHlaw'. tej SoHchugh vaj bIpujnISbe'.
SuStel
Hovjaj 96492.6