tlhIngan-Hol Archive: Wed Jul 31 12:36:29 1996
[Date Prev][Date Next][Thread Prev][Thread Next]
TruCost yIlo'Qo'
- From: "Mark E. Shoulson" <[email protected]>
- Subject: TruCost yIlo'Qo'
- Date: Tue, 30 Jul 1996 14:39:26 -0400 (EDT)
-----BEGIN PGP SIGNED MESSAGE-----
toH, SaqeS: "TruCost" yIlo'Qo'.
"KLI.org"vaD "tape drive" wISuqnISqu'. Qapbe' wa' ghajpu'bogh "Jay"
(pong "KLI.org" che'wI' 'oH "Jay"'e'). qaSpa' qep'a', Suy vItu' 'ej vIra':
"jIHvaD Dochmeyvam tIngeH." "lu', DIghaj" mujang. vaj jIloS. 'ej
jIloStaH.
...'ej wej paw luch! vaj wa'Hu' vIrI'. "qaS nuq jay'?" vIyu'.
"hmm... chaq luchlIj wISuqlaHbe'...?" "'ach vItlhobDI', "wIghaj" boja'."
"SoHvaD maQumqa'." vaj jIloS. qaStaHvIS vagh rep, jav rep ghap jIloS.
vIrI'qa': "qaS nuq jay'??" "aaaah... HIja'... luch tu'lu', 'ach
wIngevbe'. 'oH ngevlu' 'e' bot "manufacturer."" (qatlh? jIyajbe'. 'ach
ram). "'ej juja'laHbe'pu''a'?? toH, latlh tu'lu''a'? qutlh'a'?"
"Hmm... latlh wItu'..." "toH, yap luchvetlh. jIHvaD yIngev."
"jIngevlaHbe' jIH. ngevwI' jIHbe'. ngevwI'vaD De' vInob, 'ej tugh DurI'."
"lu' jay'." vaj jIloS. 'ej murI'be' jay'.
DaHjaj vIrI'qa'. "SuQongtaH'a'????" "yIloS, De' vISuqnIS... DaH vIghaj.
Hmmm, luchvam wISuq 'e' vI'olnIS. qarI'qa'." "*sigh*"... murI': "HIja',
wIghaj...." (toH, luch ghom wa'DIch luqonDI' Qagh je 'e' vItu'. wejpuH).
vaj >DaH< jIHvaD luch ngeH. jIQeHbej. luch DIlmeH yap'a' "KLI" Huch?
jISovbe'. jItul, 'a DIch vIghajbe'. SaqeS: "TruCost" yIlo'Qo'.
www.trucost.com. peyep.
Important English summary: Do NOT use TruCost as a hardware source
(www.trucost.com). They are unprofessional losers in whom I have no
confidence, and the only reason I went through with ordering from them was
to avoid having to go through this with yet another place.
~mark
-----BEGIN PGP SIGNATURE-----
Version: 2.6.2
Comment: Processed by Mailcrypt 3.4, an Emacs/PGP interface
iQB1AwUBMf5WrcppGeTJXWZ9AQGgvAMAqnTU1LgDcrpvJiJcgfytgKC2Ywifd2q8
PD+XBSCtuYLreSyDNnn8JrH5OZtqkrvj50ismGyvg5r29kFC0FOq5lUbhd1b2YMK
i7Zm4Up3eI/UoVj2yaa+YOUDbE9zVYmk
=gVl+
-----END PGP SIGNATURE-----