tlhIngan-Hol Archive: Sun Jan 28 18:19:45 1996
[Date Prev][Date Next][Thread Prev][Thread Next]
*rIyval* QonoS 'ay' 3DIch
- From: [email protected]
- Subject: *rIyval* QonoS 'ay' 3DIch
- Date: Sun, 28 Jan 1996 21:19:09 -0500
QonoS 'ay' wejDIch (qaSpu' wa' jar)
tIntaH pIvlob. qopwI' yaSpu' tojbej *nomdok* tuHmey 'e' SovmeH DIch
ghajlu'DI', 'etDaq logh Sovbe'lu'bogh lutu'choH noch. wej HachwI'na' yuQ
luSamtaHvIS, nuH rIHchu'meH 'ej ghuSmeH vumlI' pu'beq, Sogh *tIDrI'*. 'ej
chIjwI' De'wI' ngejlaw'bogh jo' rop'e' Suvchu' tI'wI'beq, *qolI'pavuS*.
QapHa'bogh De'wI' qawHaq'a' naw'meH lInDab ngoq lo' ghaH. 'urmangvo' De'wI'
Qanbogh janmey'e' junDI' 'ej "qatlh De' Hoch qawHa'law'?" chovchu'DI', vaj
tI'chu': lupDuj Segh 'oHmo' Dujvam Segh'e', Hovmemmo' wuQ nochmey. wo' HurDaq
QapmeH chenbe' noch, 'e' lunab jonwI'; 'ej DaH wo' HeHvo' 'uy'mey qelI'qam
'oH chuq'e'. De'wI' Qut chenqa'moH 'ej nIvmoHqu'mo' jonwI' po', *qolI'pavuS*,
ghaH naD la'. beq Sov ghurmoHtaHmeH tungHa'bej je.
yon la', Do' Qapchu'mo' De'wI' mIqta', pIvghorQuQ'e' je, tep tISqu' luptaHvIS
lupDuj lulengmoHbogh. Duj Somrawmo', yabDajmo' je Do'taHghach pIHlI' la'.
Quch.