tlhIngan-Hol Archive: Thu Jan 25 13:56:44 1996
[Date Prev][Date Next][Thread Prev][Thread Next]
pong tlhaQ
tlhIngan Hol DIvI' Hol je laDlu'taHvIS qoj leghlu'DI',
pImchu' bIH.
Holmaj wIghItlhtaHvIS 'ej DIvI' Degh [1] DIlo'taHvIS,
Degh tIn Degh mach ghap DIghItlh jaS maHechmo'.
[1: 'emblem, symbol...'; here used for 'letter' (of alphabet)]
'ach DIvI' Hol ghItlhtaHvIS ghot,
mu'Daq mu'tlheghDaq qoj Degh Daqmo'
tInmoHnIS qoj machmoHnIS.
DIvI' mu' rur tlhIngan mu' puSqu'.
QIch ghovmeH De'wI'mey 'ej yajlaw'meH
ghuntaH malja'ghomwIj [2].
[2: malja' + ghom: here used for 'company']
vum DaqwIjDaq wa' vumwI' pong vItu'pu'.
wa'Hu' ghaHvaD jIjatlhpu',
"DIvI' mu' rur tlhIngan mu' puSqu',
'ach tlhIngan mu' rapchu' ponglIj.
'ej malja'maj vumwI'vaD pong QaQqu' 'oH."
tlhIngan mu' vIQIjpu'DI' HaghtaH.
*Hugh* 'oH ponglIj'e'.
marqem, tlhIngan veQbeq la'Hom -- Heghbej ghIHmoHwI'pu'!
Subcommander Markemm,
Klingon Sanitation Corps -- Death to Litterbugs!
Mark A. Mandel
Dragon Systems, Inc. : speech recognition : +1 617 965-5200
320 Nevada St. : Newton, Mass. 02160, USA : [email protected]