tlhIngan-Hol Archive: Mon Jan 15 00:41:26 1996
[Date Prev][Date Next][Thread Prev][Thread Next]
*rIyval* Hoq ('ay' 2DIch)
- From: [email protected]
- Subject: *rIyval* Hoq ('ay' 2DIch)
- Date: Mon, 15 Jan 1996 03:40:54 -0500
QonoS 'ay' wa'DIch (taghmeH poH)
jajlo' *pera'QIS* tengchaH vergh Qavvo' verghHa' Duj, ra'DI' la',
*rIyval*. DaH DujDaq tIjpu'DI' beq Hoch, ghoqwI'pu'Heymo' Hoj.
lInDabmo' DughnIS 'ej ghumrup, qopbejmeH ngIvlI'mo' yejquv
yaSpu'. Hubbeqvo' cheHlaw'ta'mo' la', chaHvaD HeSwI' moj ghaH.
vaj malja' HuqmeH HIghqu' la', luch DIltaHvIS. mechwI'vaD
maybejmeH DeQna' Hoch nobqang, 'ej peghmoHmeH HIqDaq tarna'
chagh. vaj pubtaH 'Iw 'e' pIHpa' tlhutlhwI', Hegh 'ej taD je.
peghHa'wI'Heyvam tojDI' 'ej tammoHchu'ta'DI', DIch ghaj la'. 'ach
peghmu'na'Daq SutlhlaH 'e' voqbe'. vaj chIch nom Haw', He
nabtaHvIS je. Hopqu'bogh loghSepDaq Hoq taghqang.