tlhIngan-Hol Archive: Fri Aug 30 11:59:58 1996
[Date Prev][Date Next][Thread Prev][Thread Next]
qepmey lI'be' vImuSchu' jay'!
- From: Alan Anderson <[email protected]>
- Subject: qepmey lI'be' vImuSchu' jay'!
- Date: Fri, 30 Aug 96 13:25:51 EST
Hu'tegh. powIj naQ lojmoHta' qep QIp.
Hu' law' qech qelmeH chen ghom. QaQbej qechvam. qelnISbej vay'.
(tlhIHvaD qech vIngu'laHbe'. lutvaD potlhbe' qechna'.)
ghomvam vImuv. ja'chuq Hoch. Qoch nuv puS. Qochbe' nuv puS.
qaS jar law'. mangach. maDaj. matob. QIt Qochbe'choH Hoch.
mIw mawuq. pInpu'vaD maja'. luqel.
Huchna' poQmo' loQ wIpar jatlh pInpu'. maQubnIS jatlh.
DaH Qubta' chaH. maruch luneHlaw', 'ach...
QubmeH 'ej muchmeH ngoy'bej ghom.
mIw wIvmeH ngoy'law' ghom.
pInpu'vaD ja'meH ngoy'chu' ghom.
vangmeH ngoy'be'qu' ghom jay'.
woQ wIghajbe' jay'. pagh wIta'laH. pagh wIqaSmoHlaH.
vaj maghomtaH neH. ghom lumej nuvpu'. ghom lumuv latlhpu'.
ja'chuq Hoch. Qoch nuv puS. Qochbe' nuv puS.
qaStaH jaj law'. mangach. maDaj. matob. QIt Hegh vIloS.
-- ghunchu'wI'