tlhIngan-Hol Archive: Mon Aug 12 17:02:36 1996
[Date Prev][Date Next][Thread Prev][Thread Next]
chegh Qov
- From: Robyn Stewart <[email protected]>
- Subject: chegh Qov
- Date: Mon, 12 Aug 1996 16:59:26 -0700
qaStaHvIS wa' tera' jar jabbI'IDghomvam vIjeSbe'. Qu' law' vIghajmo' 'ej
yInwIj DanchoHchu'pu'mo' tlhIngan Hol vItlheDnISpu'. DaH jIchegh.
jabbI'IDmeyraj vIHevbe'bogh vIlaDmeH *KLI website* vISuch. qep'a'
boDeltaHvIS tuqelmo' tuquvqu'moH. qep'a' vIjeSlaHmo' jIQuchqu'. tulajmo'
jIHem. qep'a'Daq qaStaHvIS ram wa'DIch jIQong vIneHbe'. SuSaHbej 'ej
tuyajlaH loQ 'e' vIHarlaHbe'. jIQongDI' Sungab 'e' vIHaj. Do' vagh jaj
Suratlh. Satlho'. 'ej qep'a' vu'mo' Lawrence vItlho'.
qep'a' boDelmeH tlhIngan Hol bolo'taHvIS bep latlhpu'mo' jIHagh. jabbI'ID
law' vIyajlaHbe' jIH jItaghDI'. muqaDba' ghu'vetlh. jabbI'IDmey law'
vIyajlaHbe'bogh vIpol. wejHu' jabbI'IDvam vItu'. vIlaDlaHchu'. HaDchugh
jabbI'IDvam yajlaHbe'bogh nuv'e' vaj pawpa' qep'a' loSDIch yajlaHchu' je.
peSolQo'. pevIngQo'. tlhIngan Hol yIjatlh pagh tlhIngan Hol yIHaD.
S.K.I. (Summary for the Klingon-Impaired):
Qov is back, honoured by your comments and amused by the petty bickering.
Save the messages you do not understand and return to them when you have
learned more.
---
[email protected] --- Qovpatlh!? lagh 'oH Qov patlh'e'.
NEW EMAIL ADDRESS---PLEASE NOTE, AND USE THIS ONE NOW.