tlhIngan-Hol Archive: Thu Aug 01 10:52:36 1996
[Date Prev][Date Next][Thread Prev][Thread Next]
*rIyval* lutmey
- From: Will Martin <[email protected]>
- Subject: *rIyval* lutmey
- Date: Thu, 1 Aug 1996 13:51:48 -0400 ()
- Priority: NORMAL
*rIyval* QonoSmey vIlI'DI' jIQuchqu'choH. tlhIngan lutmey
vItIvqu'. 'a bIH vIlaDchoHDI', jImoghchoH. jIHvaD
chu'mo' mu', mu'ghomwIjDaq Hoch mu' wejDIch vISamnIS. QIt
ghu' vIghov:
lutmeyvamDaq wa'logh nagh HochHom mu'mey vISovpu'be'bogh.
toH! lutmeyDaj qontaHvIS *ghuy'Do wa'* mu'ghomDajDaq
mu'mey chu' Samlaw' ghaH.
vaj mu'ghomwIj vIlo'be'chugh, lutmeyvam vIlaDlaHbe'ba'. Do'
De'wI'HomwIjDaq lutmey mu'ghomwIj je vIghaj. poH vIghajDI'
ramtaHvIS DaqwIj De'wI'HomwIj vIlo'laH. wej mu' vIlaD 'ej
De'wI'HomwIj vIra' << <Qab> yItu'>>. cha'logh tu'. wa'logh
mu'ghomDaq 'oH. wa'logh lut 'oH. vaj mu'ghomDaq vISup 'ej
<Qab> vImugh, vaj lutDaq vISup 'ej we latlh mu' vIlaD...
QIt mIwvam vIDa, 'ach lut vItIv 'ej chaq mu'mey puS vIghoj.
nom vIlaDlaHchugh lut vItIvqu'. DaH vItIv neH.
charghwI'