tlhIngan-Hol Archive: Mon Sep 25 13:48:03 1995
[Date Prev][Date Next][Thread Prev][Thread Next]
Re: }} ram ghu'
- From: [email protected] (DaQtIq)
- Subject: Re: }} ram ghu'
- Date: Mon, 25 Sep 1995 10:48:03 -0700
ghuy'Do qeS yIqel. Qup ghuy'Do 'ach tlhIngan qa' yajchu'.
Hu' law' jI'IQtaHvIS choqeS. muQaH qeSlIj. DaH qaqeS, jupwI'.
ghItlh charghwI':
> mumIS ghu'wIj.
> vISIQlaHbej 'ej jIbep vIneHbe'. QaQ yInwIj.
'ach bI'oy'DI' tIqlIj Da'angnIS.
> chaq QuptaHvIS tIqwIj jIqanchoHmo' jImISchoH. ngoDmeyHeyvam
> vISovlaHbejbe'. HoSghaj porghwIj 'ej nom vIQublaH 'ach loD qan
> vIDataH 'e' pIH Hoch. jInajmeH Daq poH joq tu'lu'be'. bangna'
> vIghajbe'. muneH pagh.
bIqanbe'ba'. qep'a'Daq maqIHDI' tlhIngan 'IwlIj vIlarghchu'.
mInDu'lIjDaq qulna' vItu'chu'. qanwI' DaDataH 'e' pIH 'Iv?
qoHna' chaH! tIqImQo'!
> 'ach jIHoSghajtaH 'ej nom jIQublaHtaH 'ej tugh jIreHmeH poH Daq
> je vIchenmoHbej. mumevlaH pagh 'ej pagh bang vIpoQ.
potlh bang 'e' vIHar. jagh law' wIghajbej 'a bang puS wIghajlaw'.
jaghpu' bangpu' je wIpoQ 'e' vIHar.
> chaq vIHarbe'taHvIS loQ ghu'wIj vIDellaH. ghu'mey law'
> Dellu'meH QaQqu' tlhIngan Hol, qar'a'?
'IHqu' Holvam. nongqu'. tIqlIj Da'angmeH yIlo'! be'pu'vaD tlhIngan Hol yIbom.
chaHvaD tIqlIj yablIj 'IwlIj je yI'angchu'. bIDo'chugh SoHvaD nargh wa'
tlhIngan be'. bIDo'qu'chugh nargh cha' vaj SoHvaD Suv.
> tlhIngan jIH.
qarba'. 'ej Qochchugh vay' vaj DaSmeymaj bIngDaq chaH DIbeQmoHchu' jay'!
taHjaj wo'! (HoD Qanqor vItlho')
- DaQtIq